Nacia Muzeo de Dekoraciaj Artoj (Madrido)
La Nacia Muzeo de Dekoraciaj Artoj, en hispana origine kaj oficiale Museo Nacional de Artes Decorativas de Hispanio (MNAD aŭ NMDA), situanta en ties ĉefurbo, Madrido, estas unu el la plej antikvaj kaj riĉaj muzeoj de la nomata Triangulo de la Arto de tiu menciita urbo. Laŭ la ekzemplo de la Muzeo de Viktorio kaj Alberto de Londono (Unuiĝinta Reĝlando), montras la evoluon de la nomataj «industriaj artoj» aŭ «malgrandaj artoj» (nome mebloj, ceramiko kaj vitro, tekstiloj ktp.), ĉefe inter la 15a jarcento kaj la 20a jarcento. Ties 60 ekspoziciejoj okupas palacon ĉe la parko Retiro (strato Montalbán, 12), proksime ankaŭ de la Muzeo Prado. La muzeo montras 15.000 objektojn, el ĉirkaŭ 40.000 posedataj.