Nasaŭo (Bahamoj)

El Vikipedio, la libera enciklopedio
Tiu ĉi artikolo temas pri la ĉefurbo de la ŝtato Bahamoj. Vidu ankaŭ la apartigan liston Nassau.
Mapo
Mapo de la Bahamoj kun la ĉefurbo Nasaŭo.
Mapo de la Bahamoj kun la ĉefurbo Nasaŭo.
Bazaj faktoj
Lando: Bahamoj
Insulo: New Providence
Geografia situo:
Alteco: 10 m (33 ft)
Areo: 207 km²
Loĝantoj: 210.832
Loĝdenso: 1.019 loĝantoj po km²
Haveno de Nasaŭo.

Nassau, esperantigite Nasaŭo, estas la plej granda kaj ĉefurbo de la Bahamoj, insula ŝtato en norda Atlantiko. Ĝi situas sur la insulo New Providence, havas 210.832 loĝantojn kaj estas la banka kaj komerca centro de la lando.

Historio

Nasaŭo estis fondita en 1656 de britaj setlistoj kaj unue nomiĝis Charlestown, laŭ reĝo Karolo la 2-a. Samtempe piratoj uzis la setlejon kaj la apudajn insulojn kiel kaŝejoj. Pro tio hispana-franca ŝiparo detruis la urbon en 1684. Post rekonstruado en 1687 ĝi ricevis la nomon Nasaŭo en 1689, honore al la nederlanda-brita reĝo Vilhelmo la 3-a el la nobela familio Oranĝio-Nasaŭo. La pirata problemo tamen baldaŭ denove graviĝis, tiel ke la hispana armeo detruis la kolonion duan fojon en 1695.

En 1697 denove rekonstruita de la piratoj la urbo estis trian kaj lastan fojon detruita en 1703 de hispana-franca ŝiparo, ankoraŭ sen daŭra sukceso. La piratoj plian fojon rekonstruis la kolonion kaj de tie kontrolis la Bahamojn de 1706.

Nassaŭo sur la mapo
Restaĵoj de fortikaĵo de Nassaŭo

Dum la usona sendependa milito la loko estis grava brita milita bivako, kiun Usono okupis en 1776, sed post la paco la insuloj denove apartenis al Britio. Poste dum milito de Usona Nordo kontraŭ Sudo la haveno denove graviĝis, kiel bivako de armilkontrabandistoj. Inter 1919-1934 denove alkoholkontrabandistoj regis la regionon. Poste ĝi estis paradizo de turistoj (pro la plaĝo) kaj bankistoj (pro la malaltaj impostoj).

Vidindaĵoj

Atlantis Paradise Island Casino & Resort, unu el la plej grandaj hoteloj de la mondo.

Al la vidindaĵoj de Nasaŭo kun ĝia kolonia ĉarmo apartenas la parlamenta, juĝeja kaj registara konstruaĵo de 1801 kaj la Muzeo de Piratoj. Aliaj vidindaĵoj:

Ĝemelaj urboj

Nasaŭo havas tri ĝemelajn urbojn:

Eksteraj ligiloj