Nevuso

El Vikipedio, la libera enciklopedio
Saltu al: navigado, serĉo
Cindy Crawford havas nevuson ĉe la supra lipo
nevuso

Nevusonaskiĝmakulo estas loka difekto de la haŭto, simila al tubereto aŭ makulo, pli-malpli malhela aŭ ruĝa, bruna.

La nevuso estas denaska haŭtŝanĝiĝo, kiun kaŭzas la pigmenta perturbo de la haŭto, plimultiĝo de angioj aŭ aliaj aĵoj en la dermo aŭ epidermo (ĉe aliaj specioj de nervuso kiel ekz. ĉe la blua nevuso (aŭ mongola makulo), la diskreskita histo troviĝas profunde en la subaj tavoloj de la haŭto kaj sube de l dorso (ĝi aperas ĉefe ĉe indianoj, nigruloj, azianoj). La surfaco de nervusoj povas esti glata aŭ tubereta..

Plimulto de la nevusoj elformiĝas per trokresko de normalaj haŭtaĵoj, kiuj tenas la originalan funkcion. Kelkaj nevusoj perdas la kutiman strukturon, iĝas malbonintencaj, kancerigaj. Tia estas la ’naevus sebaceus’, kiu entenas harfoliklojn kaj sebajn glandojn. La pigmentita giganta nevuso estas neregula, malhelbruna aŭ nigra makulo, kiu povas evolui al ’malignus melanoma’. El aliaj pigmentitaj nevusoj (ekz. blua nevuso aŭ junctionalis naevus) povas elformiĝi haŭta kancero.

Kelkaj pigmentitaj nevusoj apartenas al sistemaj malsanoj (makuloj café-au-lait, malhelbrunaj makuloj) povas signi Albright-sindromon kaj simptomon de Recklinghausen-malsano.

La plej disvastiĝintaj haŭtŝanĝiĝoj estas la pigmentaj nevusoj, sed konataj estas aliaj nevusoj tiel ekz. la liruĝaj hemonevusoj, fajromakuloj, kiuj elformiĝas el angioj kaj ofte malaperas spontane post kelkaj jaroj.

La epidermaj nevusoj (kiel ekz. naevus sebaceus) elformiĝas per trokresko de normalaj epidermoj. Ili estas ĝenerale karnokoloraj aŭ flavetaj.