Preĝejo Sankta Francisko (Salta)
La Baziliko kaj konvento de Sankta Francisko de la urbo Saltaurbo, Argentino, estas templo katolika kaj konvento de la franciskanoj kiuj pro sia arkitekta belo kaj historia gravo konstituas unu el ĉefaj turismaj allogaĵoj de la urbo, rekonita ĉar estas unu de la urboj kiuj plej bone konservis la kolonian hispanan kernon en Argentino.
Ĝi estis deklarita Historia Nacia Monumento la 14an de julio de 1941 per dekreto 95687 fare de la ŝtata registaro[2] kaj Baziliko la 4an de aŭgusto de 1992. Ĝi situantas ĉe la kuniĝo de la stratoj Caseros kaj Córdoba, je 100 m de la ĉefa placo (Plaza 9 de Julio).
Enhavo[redakti | redakti fonton]
La templo posedas valorajn verkojn, nome la imago de Nia Senjorino de la Neĝoj, alia pri Sankta Petro Alkantara atribuita al la hispana skulptisto Alonso Cano kaj pentraĵo pri Sankta Francisko de Asizo, atribuita de kelkaj al Pitti kaj de aliaj al Francisco de Zurbarán. Ĝi havas ankaŭ malgrandan muzeon kaj bibliotekon kun tre antikvaj eldonoj grandvaloraj.
Arkitekturo[redakti | redakti fonton]
Ties koloroj kombinas ebur- kaj sablo-kolorojn, kiuj rimarkigas kompleksan ornamadon. La ĉefa fasado havas italajn influojn, centran korpon dense ornamitan pere de girlandoj, floroj, surskribaĵoj, blazonoj kaj surmurigitaj fenestroj. La falsaj kurtenoj el stuko en la enirejaj arkoj estas ties plej originala detalo. La turo havas klasikan aspekton, dividita en kvar etaĝoj. La unika navo estas kovrita de volbo; super la kruciĝo, la kupolo. En la interno konserviĝas valora tablo el marmoro konstruita en 1789 en Kadizo, intence por tiu templo.
Bildaro[redakti | redakti fonton]
-
Detalo de la supra parto de la fasado. -
Interno de la Preĝejo Sankta Francisko.
Notoj[redakti | redakti fonton]
- ↑ Iglesia y Convento San Francisco Arkivigite je 2014-07-28 per la retarkivo Wayback Machine, José de Guardia de Ponte, Portal de Salta. Konsultita la 24an de februaro de 2014.
- ↑ Comisión nacional de museos, monumentos y lugares históricos. Ficha 830: Iglesia de San Francisco.. Arkivita el la originalo je 2013-12-03. Alirita 2014-05-16.