Shirley Temple
Shirley TEMPLE ([ˈʃɜː(r)li ˈtɛmp(ə)l] (naskiĝis la 23-an de aprilo 1928 en Santa Monica, Kalifornio, mortis la 10-an de februaro 2014 en Woodside, Kalifornio), estis usona aktorino kaj diplomatino.
Ŝi estis aktoro dum la 1930-aj jaroj, dum sia infanaĝo. La publiko raviĝis de ŝia ĉarmo, "vigla kaj naiva" laŭ iuj. En la jaro 1935 ŝi eĉ gajnis specialan Oskaron. Ŝia filmkariero tamen stagnis kiam ŝi plenkreskiĝis: post kelkaj ne tre sukcesaj filmroloj ŝi forlasis la kino-laboron.
Ekde la 1950-aj jaroj ŝi dediĉis sin al la politiko. Ŝi subtenis la Respublikanan Partion kaj reprezentis Usonon kiel diplomato en Ganao kaj Ĉeĥoslovakio. En la jaro 1988 ŝi publikigis siajn memorojn: Child Star.
Ŝi mortis la 10-an de februaro 2014 en Woodside en Kalifornio.
Filmaro
- Stand Up And Cheer (Usono, 1934)
- Bright Eyes (Usono, 1934)
- Baby Take a Bow (Usono, 1934)
- The Littlest Rebell (Usono, 1935)
- Wee Willie Winkie (Usono, 1937)
- Heidi (Usono, 1937)
- The Little Princess (Usono, 1939)
- The Blue Bird (Usono, 1940)
- Since You Went Away (Usono, 1944)
- The Bachelor and the Bobby-Soxer (Usono, 1946]
- Fort Apache (Usono, 1948)
Bildgalerio
-
Eleanor Roosevelt kaj Shirley Temple, 1938 -
William Lyon Mackenzie King, tiama unua ministro de Kanado, kaj Shirley Temple, 1944
