Tros

El Vikipedio, la libera enciklopedio
Saltu al: navigado, serĉo
Tros eponimo de Trojo

Laŭ la helena mitologio, Tros estis unu el la filoj de Erichtonios.

Tros havis tri filojn :Ilo, Asarako kaj Ganimedo kaj unu filinon, Kleopatro.

Ilo estis premiita okaze de luktoludoj. Li do ricevis kiel premion: 50 junulojn, 50 junulinojn kaj bundan bovinon. Laŭ la oraklo, li devos konstruigi urbon je la loko, kie haltos la bovino. Li do sekvis ĝin, kaj starigis la urbon tiel nomatan Iliono. Ĝi nomiĝos poste Trojo, memore al la patro Tros kaj plue al la regiono mem, la Troado.

Asarako estis la prapatro de Anĥizo, la patro de Eneo

Ganimedo estis fama pro sia beleco kaj, pro tio, Zeuso enamiĝis de li, kaj forrabis la junulon. Ganimedo servis la diojn en Olimpio, kiel vinverŝisto. Kompreneble, Tros estis ĉagrenita pro la perdo de sia filo. Do Zeuso donacis al li du ĉevalojn tiel lertaj, ke ili povis galopi sur akvo.