Unihokeo

El Vikipedio, la libera enciklopedio
Saltu al: navigado, serĉo
Finalo de la mondĉampionado 2002 inter Svedio kaj Finnlando en Helsinko

Unihokeo (germane Unihockey, angle Floorball, svede/norvege Innebandy, islande Bandý, finne Salibandy, estone Saalihoki, litove Grindų riedulys, indonezie Bola lantai) estas relative juna teamsporto el la familio de la bastonpilkludoj. Ĝi devenas de la hokeo, el kiu devenas ankaŭ la rulhokeo kaj la glacihokeo. Unihokeo estis kreita komune en Svedio, Finnlando kaj Svislando. Temas pri ludo, kiu similas al la halhokeo, la glitpilkado kaj la glacihokeo, ĉe kiu oni ludas ankaŭ malantaŭ la golejoj. Plej multe disvolviĝinta la unihokesporto kun dekmiloj da ludantoj kaj grandaj naciaj ligoj estas nuntempe en Svedio, Finnlando, Ĉekio kaj Svislando. Unihokeo nuntempe estas tendenca sporto, kiu pli kaj pli populariĝas kaj precipe estas ŝatata okaze de la sporta instruado en la lernejoj. Por ĝia ludodinamiko kaj la rapide ŝanĝiĝantaj ludosituacioj la unihokeo apartenas al la plej rapidaj halsportoj. Ĝi facile lerneblas kaj estas bezonataj nur malmultaj ekipaĵoj, malmulte koste akireblaj, por ĝin ludi.