Villar del Pedroso

El Vikipedio, la libera enciklopedio
Saltu al: navigado, serĉo

Koordinatoj mankas! Bonvolu kunhelpi.Koordinatoj mankas! Bonvolu kunhelpi

Villar del Pedroso
Administrado
Lando Hispanio
Regiono Ekstremaduro
Provinco Cáceres
Urbestro Eduardo Villaverde Torrecilla (PP)
Retpaĝaro Municipo de Villar del Pedroso
Demografio
Loĝantaro 673  (2009)
Geografio
Areo 242
v  d  r
Information icon.svg
Loko de la municipa teritorio de Villar del Pedroso en sia provinco
Loko de la provinco de Cáceres en Hispanio

Villar del Pedroso estas municipo de Hispanio, en la provinco de Cáceres, regiono de Ekstremaduro.

Loĝantoj[redakti | redakti fonton]

Fonto en placo Demetrio Medina de Villar.
Preĝejo de Villar.
Urbodomo de Villar.
Kruco de Villar.

La loĝantoj nomiĝas villarejos. La censita populacio en 2009 estis de 673 loĝantoj.

Situo[redakti | redakti fonton]

Villar del Pedroso estas situa en la orienta parto de Ekstremaduro en la komarkodistrikto Ibores, je altitudo de 732 m; je 168 km de Cáceres, provinca ĉefurbo kaj je 190 km de Mérida, la regiona ĉefurbo. La areo de ties teritorio estas de 242 km². La municipa teritorio limas norde kun la rivero Taĵo, kiu separas ĝin el la provinco de Toledo. Ĝi havas submunicipon nome Navatrasierra, situa sude, en la Sierra de Altamira.

Klimato[redakti | redakti fonton]

La klimato estas de tipo mediteranea. La pluvokvanto atingas jaran averaĝon de nur 474 mm. pro la situo de la teritorio kontraŭvento de la ĉefaj altaĵoj de la Villuercas. La plej pluva sezono estas vintro (171 mm.) kaj la plej seka somero (35 mm.) La mezaveraĝa jara temperaturo estas de 15,9 °C. La plej malvarma monato estas decembro, kun 7,2 °C kaj la plej varma julio, kun 26,1 °C.

Ekonomio[redakti | redakti fonton]

Agrikulturo kaj brutobredado.

Historio[redakti | redakti fonton]

La areo estis loĝata jam antaŭ la alveno de la romianoj. Ekzistas en la ĉirkaŭo monumentoj de taŭroj realigataj en ŝtono, konataj kiel Verracos, kiu estis skulptitaj de popolo nomata vetonoj kiu vivis en la areo. Poste venis romianoj, visigotoj kaj mozaraboj.

Kiam la Regno de Kastilio konkeris la areon el la islamanoj, kolonoj petis al la reĝo Fernando la 3-a kromnome La Sanktulo la rajton reloĝigi la teritorion. Tion oni permesis al ili la 13an de januaro de 1249, kio povas esti konsiderata proksimuma fondodato de Villar del Pedroso.

Monumentoj[redakti | redakti fonton]

Krom la jam menciataj Verracos, la ĉefa monumento estas la katolika preĝejo de Sankta Petro. Konstruita inter la 15a kaj 18a jarcentoj el granito. La interno konservas gravajn interesaĵojn, nome du retabloj: unu de la 18a jarcento ornamitaj per azuleĥoj el Talavera de la Reinakaj unu de la 17a jarcento kun kvin pentraĵoj de tiu epoko.

Famas la festoj de Karnavaloj.