Walter McLennan Citrine

El Vikipedio, la libera enciklopedio
Saltu al: navigado, serĉo

Walter McLennan CITRINE la 1-a (barono), alinome (1935–46) Sir Walter Citrine (n. 22-an de aŭgusto 1887, Liverpool – m. 22-an de januaro 1983, Brixham, Devon, Anglio) estis angla sidikatestro, ĉefsekretario de Trades Union Congress (TUC) ekde 1926 ĝis 1946.

Citrine naskiĝis en laborista familio, li eklaboris kiel elektristo kaj agadis en la liverpoola organizo de la sindikato de la elektristoj. Li estis inter 1914 kaj 1920 Mersey-distrikta sekretario de la Elektroindustria Sindikato, en 1920 vicsekretario de Elektroindustria Sindikato, kvar jarojn poste vic-ĉefsekretario de TUC. Li estis prezidanto de la Internacia Sindikata Asocio (International Federation of Trade Unions; 1928–45)) kaj prezidanto de la Sindikata Mondasocio (World Federation of Trade Unions; (1945–46)). Ekde 1947 ĝis 1957, li estis unua prezidanto de la angla Centra Elektra Instanco.

Citrine estis bona, lerta organizanto, konservativa, kontraŭkomunista persono.

Li ricevis la rangon de kavaliero (siro) en 1935 kaj en 1946 pajran rangon (barono).

verkoj[redakti | redakti fonton]

  • The Trade Union Movement of Great Britain (1926)
  • I Search for the Truth in Russia (1936)
  • My American Diary (1941)
  • Men and Work (1964)
  • Two Careers (1967).