Whom Gods Destroy
| Whom Gods Destroy | |
|---|---|
| Star Trek episode • ĉapitro de televidserio | |
| Originala titolo | Whom Gods Destroy |
| Originala lingvo | angla lingvo |
| Kina aperdato | 3 jan. 1969 |
| Ĝenro | sciencfikcio |
| Reĝisoro(j) | Herb Wallerstein |
| Scenaro | Lee Erwin • Jerry Sohl |
| Filmita en | Paramount Stage 31 |
| Loko de rakonto | Elba II |
| Rolantoj | Steve Ihnat • Bill Blackburn |
| IMDb | |
Whom Gods Destroy [Kiun dioj detruas] estas la dekkvara epizodo de la tria sezono de la usona televidserio Star Trek. Ĉi tiu estis elsendita la 3-an de januaro 1969 kaj estis verkita de Lee Erwin kaj Jerry Sohl, reĝisorita de Herb Wallerstein. Ĝi estis unu el la epizodoj cenzuritaj de BBC ĝis 1994.
La titolo baziĝas sur frazo parolita de Prometeo en la poemo de Henry Wadsworth Longfellow The Masque of Pandora (1875):
- "Whom the gods would destroy, they first make mad." [Kiun la dioj volas detrui, tiun ili unue frenezigas]
Intrigo[redakti | redakti fonton]
Je steldato 5718.3, la federacia stelŝipo USS Enterprise (NCC-1701) alvenas al la planedo Elba II (referenco al insulo kie ekziliĝis Napoleono), hejmo de federacia instalaĵo por la krimuloj frenezaj, transportante novajn medikamentojn.
Kapitano Kirk kaj Spock iras sur planedo kaj renkontas la instalaĵdirektoron Donald Cory (Keye Luke). Li donas al ili mallongan turneon, kie unu el la malliberigitoj,Oriona virino nomata Marta (Yvonne Craig), avertas la du ke Cory estas falsulo. La reala Cory tiam estas malkovrita en ĉelo, kaj ilia gastiganto estas Garth de Izar el Epsilon Boötis (Steve Ihnat). Garth estas iama stelŝipestro, mense malstabila kiel rezulto de vundo, kaj li akiris la kapablon ŝanĝi formojn per metodo instruita al li por resanigi siajn proprajn vundojn.
Kirk kaj Spock estas malliberigitaj, kaj Garth, en la formo de Kirk, ordonas al Ĉefinĝeniero Scotty transdoni lin surŝipen. Tamen, Scott rifuzas kiam Garth malsukcesas doni la ĝustan pasfrazon. Scott kaj la teamo de Enterprise rekonas ion estas malĝusta, sed fortokampo ĉirkaŭ la instalado malhelpas ilin fari ajnan agon.
Post bankedo kun Kirk, Spock kaj Marta, Garth demandas pri la pasfrazo. Kirk rifuzas malkaŝi ĝin, kaj Garth celas turmenti ambaŭ Doktoron Cory kaj Kirk. Finfine, Marta provas delogi Kirkon, sed Spock alvenas kaj subigas ŝin, kaj la du kosmonaŭtoj kontaktas la stelŝipon. Kirk ordonas al Spock diri la pasfrazon, kiun li ne povas fari, devigante Garth riveli ke li prenis la formon de Spock.
Denove kaptita, Kirk ĉeestas la "kronadon" de Garth kiel "Mastro de la Universo". Garth plue montras sian potencon mortigante Marta kun eksplodaĵo en ŝia korpo. Ankoraŭ nekapabla akiri la kunlaboradon de Kirk, Garth venigas la veran Spockon, kiu venkas siajn akompanantojn. Enirante en regoĉambron, Spock alfrontas du Kirkojn, ĉiu el kiuj akuzas la alian de esti Garth. Batalo komenciĝas, dum kiu unu Kirk ordonas al Spock rigardi ilin ambaŭ; Spock batas la alian, kiu estas rivelita esti Garth de Izar. Denove en regado de la instalaĵo, kuracisto Cory komencas la administradon de la novaj medikamentoj al Garth kaj la aliaj malliberigitoj.