Yasmine (kantistino)

Yasmine
Yasmine
Bazaj informoj
Naskonomo	Hilde Rens
Naskiĝo	3-an de marto 1972; en Antverpeno
Morto	25-an de junio 2009 (37-jaraĝa); en Kontich
Deveno	Flandrio
Ĝenroj	pop-muziko
Profesio	kantistino
Aktivaj jaroj	1991-2009
Persona informo
Naskonomo	Hilde Ludo Frieda Rens
Aliaj nomoj	Yasmine
Mortokialo	pendumo
Ŝtataneco	Belgio
Okupo
Okupo	kantisto • aktoro
	v • d • r

Yasmine, artistnomo de Hilde Rens (naskiĝis en Kontich la 3-an de marto 1972, mortis la 25-an de junio 2009 en Edegem) estis flandra kantistino kaj prezentantino.

En 1991 la kariero de Yasmine komenciĝis per la disko Mooi zo (Bele). Ŝi prezentis en teatrejoj kaj festivaloj ĉefe tradukitajn kantojn de Leonard Cohen. Du jarojn poste la televidkompanio VTM dungis ŝin kaj ŝi prezentadis la programon Tien om te zien (Dek vidindaj (kantistoj)). Poste ŝi transiris al la ŝtata televidkompanio één (unu) kiel prezentantino de la programo De Rode Loper (La ruĝa tapiŝo) en kiu ŝi rakontis pri la vivo de famuloj en- kaj ekster-landaj. La 30-an de aŭgusto 2003 ŝi edziniĝis al Marianne Dupon, en Flandrujo konata pro sia partopreno en la programo De mol (La talpo). En 2005 Yasmine atingis la 363-an lokon en la tv-programo La plej grava belgo. Ekde 2006 ĝis la fino de sia vivo ŝi estis prezentantino en la televidstacio één.

En aprilo 2009 la publiko eksciis, ke ŝi baldaŭ divorcos, ĉar ŝia edzino deziras rompi la rilaton kaj komenci alian. Yasmine pro tio rapide malsaniĝis kaj en junio 2009 forprenis de si la vivon.