Aladár Körösfői-Kriesch

Aladár Körösfői-Kriesch
	; Aladár Körösfői-Kriesch
Persona informo
Naskiĝo	la 29-an de oktobro 1863; en Buda (Hungario)
Morto	la 16-an de junio 1920; en Budakeszi (Hungario)
Ŝtataneco	Hungario
Okupo
Okupo	pentristo • skulptisto
	v • d • r

Aladár Körösfői-Kriesch [koroŝfOi-krieŝ], laŭ hungarlingve kutima nomordo Körösfői-Kriesch Aladár estis hungara secesia pentristo, skulptisto, industriartisto, altlerneja instruisto. Lia familia nomvarianto estis Körösfői Kriesch, lia patro estis János Kriesch.

Aladár Körösfői-Kriesch [1] naskiĝis la 29-an de oktobro 1863 en Buda, li mortis la 16-an de junio 1920 en Budakeszi.

Biografio[redakti | redakti fonton]

Aladár Körösfői-Kriesch studis en Reĝa Desegnista Lernejo, kie li lernis precipe de Bertalan Székely kaj Károly Lotz, poste li plulernis en 1887 en Firenze, en 1889 en Milano, en 1890 Venezio. En la studjaro 1891 li havis stipendion en Romo. En 1894 li frekventis majstrolernejon de Károly Lotz. Li edziĝis en 1895, en la sama jaro lia pentraĵo pri parlamenta sesio en Torda ricevis premion. En la sekva jaro li studvojaĝis al italaj urboj, Parizo kaj Madrido. Inter 1897–1902 li pentris kelkajn freskojn de Parlamentejo (Budapeŝto). En 1901 li aĉetis domon en Gödöllő, en la sekva jaro li fondis artistan kolonion, en 1904 teksan kolonion, kie li multe profitis la hungarecajn motivojn. Ekde 1913 li instruis en Industriarta Altlernejo. Dum la 1-a mondmilito li estis raportisto.