Ŝaŭmo

El Vikipedio, la libera enciklopedio
Saltu al: navigado, serĉo
Bobelŝaŭmo

Ŝaŭmo estas laŭ la plej ĝenerala difino miksaĵo de diversaj gasvezikoj en likvo aŭ solida materialo.

Likvoŝaŭmoj[redakti | redakti fonton]

Ekzemplo de likvoŝaŭmo, la sapveziko

Ekzemploj de ŝaŭmoj kiuj konsistas el gasvezikoj ĉirkaŭitaj de likvo, estas lesivo kaj sapo.

Depende de la ŝaŭmstrukturo kaj la elektrostatikaj ecoj de la molekuloj ekestas ŝaŭmoj de diversaj grandeco, murdikeco kaj "vivodaŭro". Principe la "vivodaŭro" de likvoŝaŭmoj estas limigita ĉar la likvo-ŝaŭmĉelo strebas al minimaligo de la tre granda rilatumo inter la surfaca likvo kaj la gaso. Ankaŭ la gravito kaŭzas ke la likvo en la ĉelmuro malrapide fluas suben pro kio la muro de la likvo-ŝaŭmĉelo fariĝas pli maldika. Pro tio la ĉelmuro finfine krevas.

Solidaĵoŝaŭmoj[redakti | redakti fonton]

Ekzemplo de solidaĵoŝaŭmo, la pumiko (nebrile griza ŝtono en la antaŭo)

Ekzemploj de ŝaŭmoj kiuj konsistas el gasvezikoj ĉirkaŭitaj per solida materialo, estas pumiko, plastoŝaŭmo, aeroĝelo metalŝaŭmo, porobetono kaj pano.

Aluminioŝaŭmo
'Marŝaŭmo', ekzemplo de ŝaŭmo kio ekestas pro natura miksprocezo (ondoresalto)

Vidu ankaŭ[redakti | redakti fonton]