Ŝtata lernejo

El Vikipedio, la libera enciklopedio
Pekina Universitato, kiu estas administrata rekte de la Ĉina Ministerio de Edukado, estas ekzemplo de kunlaborado inter diversaj publikaj entoj en la eduka sektoro.

Ŝtataj lernejoj (ankaŭ konataj kiel publikaj lernejoj ekstere de Anglio kaj Kimrio[1] estas ĝenerale baz- aŭ mezlernejoj postulitaj aŭ ofertitaj al ĉiuj infanoj senpage, financitaj entute aŭ parte per impostado. Tiuj lernejoj estas ĝenerale inkluzivemaj (ne-selektemaj) en allasado de ĉiuj studentoj ene de la geografia areo kiun ili servas.

Dum ŝtataj lernejoj troveblas en praktike ĉiu lando, ekzistas signifaj varioj en ilia strukturo kaj instru-programoj. Ŝtata eduko ĝenerale ampleksas primaran kaj sekundaran edukon (infanĝardeno ĝis dekdua grado, aŭ ekvivalento), same kiel post-sekundarajn instruejojn kiel ekzemple universitatoj, altlernejoj, kaj faklernejoj kiuj estas financitaj kaj kontrolitaj fare de registaro prefere ol privataj unuoj. La eduka sistemo, aŭ manko de tio, antaŭ la establado de registar-financitaj lernejoj kunpremas ilian rolon en ĉiu socio. En multaj okazoj ekzistis establita eduka sistemo kiu servis signifan, kvankam ofte elitan, sektoron de la loĝantaro; tiuj sistemoj ofte estis financitaj fare de religiaj institucioj. La enkonduko de ŝtatlernejoj en kelkaj okazoj povis esti konstruita sur tiu establita sistemo, dum en aliaj okazoj ambaŭ sistemoj daŭre ekzistis, foje en paralela kaj komplementa rilato kaj en aliaj okazoj malpli harmonie.

Vidu ankaŭ[redakti | redakti fonton]

Notoj[redakti | redakti fonton]

  1. En Anglio kaj Kimrio, kelkaj private administrataj, pagaj sendependaj lernejoj por 13- al 18-jaruloj estas konataj kiel 'public schools' (publikaj lernejoj).