ϗ

El Vikipedio, la libera enciklopedio
Salti al navigilo Salti al serĉilo
Du variantoj de kaj
Formo de kaj en arkaika malgranda litero

La skribsigno ϗ estas ligaturo de la konjunkcio "kaj" (antikve-greke καί, greke και), uzata en la greka kaj kelkfoje en Esperanto. La skribo de la kopta lingvo ankaŭ uzas similan simbolon, majuskle Ϗ kaj minuskle , por la sama konjunkcio (kopte ⲕⲁⲓ). La greka ligaturo ϗ havas la formon de la litero κ (kapa, la unua litero de "kaj") kun mallonga hoketo aŭ vosteto sub ĝi. La kopta ligaturo ⳤ havas similan formon.

Komputado[redakti | redakti fonton]

La kaj-ligaturo respondas al la jenaj Unikodaj kodpunktoj:

Lingvoj minusklo majusklo
Greke
kaj
Esperante
U+03D7 ϗ
ϗ ϗ
Kopte U+2CE4
ⳤ ⳤ
U+03CF Ϗ
Ϗ Ϗ

Historio[redakti | redakti fonton]

La kaj-ligaturo ekestis dum la Malfrua Antikveco por mallonga skribado en papiroj kaj populariĝis dum la Mezepoko.[1]

Post la invento de la presarto, la uzo de ligaturoj, inkluzive de "ϗ", maloftiĝis. Nuntempe en la greka, tiu ligaturo estas ĉefe uzata malformale manskribe.[1]

Michael Everson proponis la aldonon de tiu signo en Unikodon en 1998,[2], kaj ĝi aldoniĝis en Unikodon 3.0 kiel U+03D7.

Uzo en Esperanto[redakti | redakti fonton]

Iuj uzas la ligaturon ϗ en Esperanto por la Esperanta konjunkcio "kaj" kiel alternativon de la ordinara kaj-signo "&",[3][4] ŝajne pro la fakto ke la Esperanta vorto "kaj" devenas de la greka vorto και.[5]

Referencoj[redakti | redakti fonton]

  1. 1,0 1,1 Nicholas, Nick. Ligatures (angle).
  2. Everson, Michael. Additional Greek characters for the UCS.
  3. Writing Esperanto in Greek.
  4. Van der Vliet, Robin. Komento en Reddit (esperante).
  5. Zamenhof, L. L.. (1910) “Pri la vorto «kaj»”, Lingvaj Respondoj (esperante).