I, Robot (romano)
| I, Robot | |||||
|---|---|---|---|---|---|
| novelaro | |||||
| Aŭtoroj | |||||
| Aŭtoro | Isaac Asimov | ||||
| Lingvoj | |||||
| Lingvo | angla lingvo | ||||
| Eldonado | |||||
| Eldondato | 2-a de decembro 1950 | ||||
| Loko | Bostono | ||||
| Eldonejo | Gnome Press | ||||
| Ĝenro | sciencfikcia novelo | ||||
| Loko de rakonto | Nov-Jorko | ||||
| Honorigoj | NPR Top 100 Science Fiction and Fantasy Books | ||||
| |||||
Mi, roboto (angle I, Robot) estas libro de Isaac Asimov kiu unue estis publikigita fare de eldonejo Gnome en 1950. La libro enhavas kolekton de naŭ noveloj, ligitaj en unu kadrorakonto. La rakontoj unue aperis en la usonaj revuoj Super science stories, kaj Astounding science fiction, inter la jaroj 1940-1950. Ĉiuj rakontoj traktas robotojn kun artefarita cerbo, kiuj estas kondiĉigitaj de la robotleĝoj de Asimov - la leĝoj kiuj malhelpas ilin damaĝi homojn aŭ sin. La rakontoj en la libro estas rilatitaj al la serio de robotoj fare de Asimov.
La rakontoj disvolvas la vidpunkton de Asimov pri robotoj. Asimov viziis robotojn unue kaj ĉefe kiel ilon dezajnitan por plibonigi la vivokvaliton de homoj, kaj li provas trakti la danĝerojn kiuj povas ekestiĝi de uzado de ĉi tiu ilo. Male al rakontoj kiel ekzemple "Frankenŝtejno" en kiu la golemo leviĝas kontraŭ sia kreinto, la robotoj de Asimov, eĉ kiam ne funkciantaj ĝuste pro sia malbona dezajno, ne provas detrui siajn kreintojn. La plej multaj el la rakontoj rondiras ĉirkaŭ la tri leĝoj de robotiko, la malsamaj interpretoj kiujn robotoj povas doni al ili, la konfliktoj kiujn ili renkontas en provado obei ĉiujn tri, kaj la konstanta evoluo tra kiu robotoj trairas. Interalie, la libro priskribas roboton kiu servas kiel vartisto, roboton kiu legas pensojn kaj religian roboton.