Grupflora kampanulo

Reviziita versio de ĉi tiu paĝo, aprobita je 13 jul. 2023, estis bazita sur ĉi tiu versio.

Kiel legi la taksonomion

grupflora kampanulo

Biologia klasado

Regno:	Plantoj Plantae
Divizio:	Angiospermoj Magnoliophyta
Klaso:	Dukotiledonuloj dicotyledones
Ordo:	Asteraloj Asterales
Familio:	Kampanulacoj Campanulaceae
Genro:	Kampanulo Campanula
Specio:	C. glomerata

Dunomo

Campanula glomerata
L.

Aliaj Vikimediaj projektoj

Sistematiko en Vikispecioj

Komunejo pri grupflora kampanulo

v • d • r

Kampanulo grupflora, aŭ kampanulo kun aglomeritaj floroj (Campanula glomerata) estas plurjara herba planto el la familio Kampanulacoj.

Sinonimoj

Campanula aggregata Willd. ex Schltdl.
Campanula congesta Schult.

Sub-specioj kaj variaĵoj

Campanula glomerata subsp. farinosa (Besser) Kirschl.
Campanula glomerata subsp. glomerata
Campanula glomerata var. alba

Priskribo

Ĉi tiun specion karakterizas ĝiaj floroj grupiĝantaj ĉe la pinto de tigo. Aliaj pli malgrandaj florgrupoj troviĝas ĉe la akseloj de supraj folioj.

Ĝi estas plurjara rigida planto kun haretozaj tigoj, 15 ĝis 60 cm alta. La supraj folioj estas mallarĝaj, duone ĉirkaŭantaj; la malsupraj estas pli larĝaj kun petioloj. La kapitulaj floroj estas senpedunklaj (sesilaj) kaj intense violkoloraj. La korolo mallarĝe sonorilforma longas 1,5 ĝis 2,5 cm. La loboj de la kaliko estas mallarĝaj kun cilioj. La stiluso estas pli mallonga ol la korolo. La harozaj kapsuloj staras vertikale.

Disvastiĝo

Kampanulo grupflora troviĝas en la norda mezvarma zono de Eŭrazio, de Britio ĝis Japanio. En Eŭropo ĝi troveblas preskaŭ ĉie, krom la ekstrema nordo. Ĝi estas ennaturiĝinta en Norda Ameriko. Ĝi kreskas en maldensaj arbaroj, en herbejoj ne tro malsekaj kaj ĉe vojrandoj, ĝis 1550 m super marnivelo.