Alfred Molina

El Vikipedio, la libera enciklopedio
Salti al navigilo Salti al serĉilo
Alfred Molina
AlfredMolinaByJustinHoch2009.jpg
Persona informo
Naskonomo Alfredo Molina
Naskiĝo 24-an de majo 1953 (1953-05-24) (67-jara)
en Paddington
Lingvoj angla lingvo
Loĝloko Los-Anĝeleso
Ŝtataneco Unuiĝinta ReĝlandoUsono
Alma mater Guildhall School of Music and Drama
Familio
Edz(in)o Jill Gascoine
Infano 1
Okupo
Okupo filmaktoro • teatra aktoro • aktoroproduktoro • televida aktoro
Information icon.svg
vdr

Alfred MOLINA (denaske Alfredo Molina; 24a de Majo 1953) estas angl-usona aktoro kaj voĉaktoro kiu aperis en ĉirkaŭ 200 kinaj, televidaj kaj teatraj produktaĵoj. Li por la unua fojo elstariĝis en West End, kio havigis al li nomumon por la premio Laurence Olivier por la Plej Bonkvalita Novulo en Teatraĵo pro sia ludado en la produktado de Oklahoma! en 1980. Li faris sian premieron en Broadway kiel Yvan en produktaĵo "Art" el 1998 ĝis 1999. Aliaj roloj en Broadway estis Tevye en la muzikalo Violonisto sur la tegmento el 2004 ĝis 2005 kaj Mark Rothko en la teatraĵo Red el 2009 ĝis 2010.

En kinarto, liaj plej bone konataj roloj estis Kenneth Halliwell en Prick Up Your Ears (1987), Mellersh Wilkins en Enchanted April (1992), Rahad Jackson en Boogie Nights (1997), la Grafo Reynaud en Chocolat (2000), Diego Rivera en Frida (2002), Doc Ock en Spider-Man 2 (2004), la episkopo Aringarosa en The Da Vinci Code (2006), Jack Mellor en An Education (2009), kaj George en Love Is Strange (2014). Li faris voĉrolulojn en Rango (2011), Monsters University (2013), Ralph Breaks the Internet (2018), kaj Frozen II (2019).

La laboro de Molina havigis al li disvastigitan laŭdon. Pro sia portreto de Robert Aldrich en la serieto Feud (2017), li estis nomumita por Ora Globo kaj Primetime Emmy Award. Li ricevis nomumon al premio BAFTA por la Plej Bonkvalita Helpaktoro pro sia ludado en Frida, kaj estis nomumita ankaŭ por la premioj Independent Spirit Award, British Independent Film Award, kvin Screen Actors Guild Awards, kaj kvar Premioj Tony.

Eksteraj ligiloj[redakti | redakti fonton]