Alsorbo
En kemio, alsorbo (aŭ neologisme adsorbo) estas fizika aŭ kemia fenomeno aŭ procezo en kiu atomoj, molekuloj aŭ jonoj altiriĝas kaj fiksiĝas per la surfaco de alia materialo, ĉu likva aŭ solida. Tiu estas malsama procezo ol sorbo[1] (aŭ neologisme absorbo), ĉar molekuloj (ab)sorbataj estas enprenataj per la tuta volumo, ne nur tenataj per la surfaco (kiel estas la kazo en alsorbo).
