Arrout

El Vikipedio, la libera enciklopedio
Jump to navigation Jump to search
Arrout (Francio)
DEC
Arrout
Arrout

Arrout estas komunumo de Francio. Ĝi situas en la franca departemento Ariège kaj en la regiono Sudo-Pireneoj. Kiel la regiona nomo supozigas, la teritorio flanke apartenas al la montaro Pireneoj - ĝi situas en alteco de inter 480 kaj 959 metroj super la marnivelo. Laŭ la stato de 2008, en la komunumo vivis nur 69 loĝantoj.

En Arrout situas la staĝejo La Maraude ([la marOd']). En ĝi kaj dum ferioj kaj en lerneja tempo akceptatas infanoj kaj adoleskantoj por "verdaj klasoj", t.e. ekkonigo de la naturo kaj de la kampara vivo, kaj ofertatas lingvo-staĝoj pri Esperanto. La loka esperantista grupo Sunkompanio gvidas la staĝejon.