Ariège

El Vikipedio, la libera enciklopedio
Saltu al: navigado, serĉo
Ariège (09)
Blason département fr Ariège.svg
Informoj
Regiono : Sudo-Pireneoj
Prefektejo : Foix
Subprefektejoj : Pamiers
Saint-Girons
Loĝantaro
 - Suma (1999)
 - Loĝdenso

137 205 loĝantoj
28 loĝantoj/km²
Areo 4 890 km²
Arondismentoj 3
Kantonoj 22
Komunumoj 332
Prezidento de
la Ĝenerala Konsilio
Augustin Bonrepaux
Situo en Francio
Ariège-Position.png

Ariège (aŭ okcitanlingve Arièja) estas unu el la ok departementoj de la franca regiono Midi-Pyrénées, esperante Sudo-Pireneoj. Ĝi etendiĝas sur 4 890 km² kaj estas maldense loĝata (137 150 loĝantoj) pro tio, ke ĝi situas grandparte en alta montaro. La plej altaj pintoj de la Pireneoj formas la naturan landlimon kun Hispanio.

La plej grava ekonomia sektoro restas agrikulturo : tritiko kaj maizo en la valoj, bredado en la montaro. Arbaro okupas grandan parton de la teritorio. Estas malmulte da industrioj, sed notindaj estas la hidroelektra industrio kaj siderurgio.

La ĉefurbo de Ariège estas Foix, [fŭa] (okcitanlingve Fois, [fuiŝ]), 10 000 loĝantoj, kiu havas belegan mezepokan kastelon, malnovan posedaĵon de la potencaj grafoj de Foix. La departemento plie enhavas 332 komunumojn.

Ariège estas ankaŭ grava turisma departemento, pro la montaro : skiado vintre, pied- aŭ ĉevalekskursoj somere, multaj prahistoriaj grotoj, mezepokaj fortikaĵoj kaj vilaĝoj, termofontoj.

Vidu ankaŭ[redakti | redakti fonton]


Eksteraj ligiloj[redakti | redakti fonton]