Béla Szalai
| Béla Szalai | |||||
|---|---|---|---|---|---|
| |||||
| Persona informo | |||||
| Naskiĝo | 26-an de julio 1922 en Kutas | ||||
| Morto | 18-an de septembro 2008 (86-jaraĝa) en Budapeŝto | ||||
| Lingvoj | hungara vd | ||||
| Ŝtataneco | Hungario vd | ||||
| Partio | Hungara Socialista Laborista Partio • Hungara Komunista Partio • Partio de Hungaraj Laboristoj vd | ||||
| Profesio | |||||
| Okupo | politikisto • diplomato vd | ||||
| Aktiva en | Budapeŝto vd | ||||
| |||||
| vd | Fonto: Vikidatumoj | ||||
Béla Szalai [salai], laŭ hungarlingve kutima nomordo (kaj pli komplete) Szalai Béla István estis hungara politikisto, ministro, parlamentano, ekonomikisto, diplomato.
Béla Szalai [1] naskiĝis la 26-an de julio 1922 en Kutas. Li mortis la 18-an de septembro 2008 en Budapeŝto.
Biografio[redakti | redakti fonton]
Béla Szalai frekventis bazlernejon en Szigetvár, poste komercan mezlernejon en Kaposvár. Li eklaboris en firmao en 1940, dume li plulernis en Teknikuniversitato József Nádor. Fine de la 2-a mondmilito li partoprenis en la rezista movado. En 1945 li aliĝis al la komunistoj, li ricevis postenon en la junulara movado, fine li frekventis kurson de la partio. En 1946 li akiris diplomon en la teknikuniversitato, post 2 jaroj li samloke doktoriĝis. Inter 1948 kaj 1957 li estis parlamenta deputito. Ekde 1949 li havis altajn postenojn en la partio. En 1951 li frekventis unujaran partian kurson en Moskvo. En 1953 li gvidis Tutlandan Oficejon pri Planado (kvazaŭ li estis ministro), poste li estis ministro pri malpeza industrio. Post la Hungara revolucio de 1956 li ricevis diplomatian taskon en Orienta Berlino. Li estis subministro inter 1963-1980, poste ĝis la pensiuliĝo en 1985 li estis ĉefambasadoro en Orienta Germanio. Li ricevis 10 premiojn aŭ medalojn inter 1947-1985.