Balĥo

El Vikipedio, la libera enciklopedio
Saltu al: navigado, serĉo

Balĥo (en persa/paŝtoa: بلخ Balkh; baktria: βαχλο ẞaxlə) estis antikva urbo kaj centro de Budhismo kaj Zoroastrismo en kio estas nune norda Afganio. Nuntempe ĝi estas malgranda urbo en la Provinco Balĥ, ĉirkaŭ 20 kilometrojn nordokcidente el la provinca ĉefurbo, Mazar-e Ŝarif, kaj ĉirkaŭ 74 km sude de Amu Darjo. Ĝi estis unu el la ĉefaj urboj de Granda Ĥorasano, ekde la komenca historio. Marco Polo priskribis Balĥon kiel "nobela kaj granda urbo".[1]

Tiu antikva urbo Balĥo estis sub la Grekoj renomita Baktra, kio havigis sian nomon al Baktrio. Ĝi estis ĉefe konata kiel centro kaj ĉefurbo de Baktrio aŭ Toĥario. Balĥo estas nune ĉefe amaso de ruinoj, situanta ĉe ĉirkaŭ 12 km el la dekstra bordo de la sezone fluanta Balĥa Rivero, je alto de ĉirkaŭ 365 m (1,200 ft).

Ekster la urbo estis granda budhisma monaĥejo poste konata kiel Naŭbahar (aŭ Nava Vihāra en Sanskrito).[2]

La batalo de Balĥo estis ŝlosila sukceso en la ascendo de Timur al povo, kaj establis lin kiel la reganto de la okcidento de Ĉagatajo en Transoksiano.

Famuloj[redakti | redakti fonton]

Referencoj[redakti | redakti fonton]

  1. City of Balkh (antique Bactria). UNESCO World Heritage Centre.
  2. LITVINOVSKY, Boris Abramovich. History of civilizations of Central Asia, Volume 3. UNESCO; publikigita de Motilal Banarsidass.

Bibliografio[redakti | redakti fonton]

Publikigita en la 19a jarcento
Publikigita en la 21a jarcento
  • (2009) “Balkh”, Grove Encyclopedia of Islamic Art & Architecture. Oxford University Press.

Eksteraj ligiloj[redakti | redakti fonton]

36°46′23″N 66°52′25″E  /  36.77306°N, 66.87361°O / 36.77306; 66.87361 (Balĥo)