Beorhtric

El Vikipedio, la libera enciklopedio
Salti al navigilo Salti al serĉilo
Beorhtric
king of Wessex
Beorhtric of Wessex.jpg
Persona informo
Naskiĝo 1-an de januaro 800 (0800-01-01)
en Wessex
Morto 1-an de januaro 802 (0802-01-01) (2-jara)
Tombo Dorset [#]
Etno Saksoj [#]
Familio
Dinastio dinastio de Wessex [#]
Edz(in)o Eadburh [#]
Profesio
Okupo monarko [#]
[#] Fonto: Vikidatumoj
Wikidata-logo.svg
Information icon.svg
vdr

Beorhtric (m. 802) estis anglosaksa reĝo de Wessex, Anglio ekde 786.

En 786 Cynewulf, reĝo de Wessex, estis murdata. Verŝajne Egbert pretendis la tronon, sed, helpate de Offa, reĝo de Mercia kaj la plej potenca reganto de Anglio, Beorhtric iĝis reĝo de Wessex. En 789 li edziĝis al Eadburh, filino de Offa, kaj estas probable ke li agnoskis Offa kiel superulo. La loĝantoj de Wessex eĉ uzis la monerojn de Offa.

Laŭ la anglosaksa kroniko, estis dum la regado de Beorhtric kiam la vikingoj unue atakis Anglion. En 789 ili alteriĝis ĉe la marbordo de Dorset kaj mortigis reĝan oficiston kiu faris la kutimajn demandojn pri la celoj de novalvenintoj.

Post la morto de Offa (796) eblas ke mallonge Beorhtric pli sendependis. Restas nur du moneroj de Beorhtric kaj ili datiĝas de post 796: tio sugestas ke li fondis sendependan monfarejon. Tamen Coenwulf, la sekvanto de Offa, rapide restaŭris la influon de Mercia en Wessex.

Laŭ la anglosaksa historiisto Asser, Eadburh, la edzino de Beorhtric, senintence mortvenenis Beorhtric, kaj poste fuĝis al monaĥinejo en Francio, el kiu ŝi estis forpelata post kiam oni trovis ŝin kun viro. Tamen tio estas duba.

Beorhtric estis sekvata de Egbert kiel reĝo de Wessex.