Bermeĥo

El Vikipedio, la libera enciklopedio
Salti al navigilo Salti al serĉilo
mapo de 1846 kun I. Bermeja en la nord-okcidento
En mapo de 1818–1820 Bermeĥo skribitas Vermeja. Nordoriente al ĝi videblas rifaro Negrillios, alimape Negrillos, ankaŭ ne trovebla tie.

Bermeĥo (hispane: Bermeja) estus meksikia insulo situanta nord-okcidente de la duoninsulo Jukatano en la Meksikia Golfo. Kvankam ĝi registritas en multaj mapoj de la jaroj 1539 ĝis 1946 (ankaŭ oficialaj meksikiaj), nek esplorŝipoj nek iam satelito eltrovis insulon en ĝia laŭfonta pozicio: 22° 33′ norde / 91° 22′ okcidente. Ĝia onidira areo estus 80 km².

Historio[redakti | redakti fonton]

Unue Alonso de Santa Cruz menciis tiun insulon en 1539 en listo de la insuloj de la regiono aperinta en Madrido: "El Yucatán e Islas Adyacentes". Alonso de Chaves en la libro "Espejo de Navegantes" en Sevilo ĉirkaŭ la jaro 1540 sciigis pri ĝia preciza pozicio, krome skribante ke en la distanco la insulo aspektas "ruĝega", hispane "bermeja".
En 1820 la geografia verkaĵo "Derrotero de las Islas Antillas" (Madrido) dubis la ekzistadon de la insulo Bermeĥa, interalie ĉar en 1804 ĝi ne troveblis en la donita pozicio.
En 1997 ŝipo speciale sendita de la meksikia ŝiparministerio mezuris 40 metrojn da akvoprofundo en la pozicio de la estunta insulo, ĉirkaŭe trovante indikon nek pri estanta nek estinta insulo. La ignorado de Bermeĥo en kontrakto de la jaro 2000 pri la marlimo inter Meksiko kaj Usono pligrandigas la usonan porcion de antaŭe trovita submara naftejo.

Teorioj[redakti | redakti fonton]

Jen kelkaj dubindaj klarigoj pri la sorto de Bermeĥo - parte eĉ uzataj de meksikia politikistoj:

  • Ĝi sinkis respektive detruiĝis pro tertremoj, tektonikaj movadoj, aŭ erozio.
  • Altiĝanta marnivelo eble kaŭze de klimata varmiĝo ĝin inundis.
  • Okazis kombino inter ĉi-supraj faktoroj.
  • Koruptaj meksikaj oficistoj neas ĝian kvankaman ekzistadon por favori usonajn interesojn.
  • Por plivastigi la usonan marteritorion la CIA ĝin eksplodigis.

Pli verŝajnas hodiaŭ, ke Bermeĥo neniam ekzistis, sed estis kartografia eraro kopiita dum jarcentoj.

Vidu ankaŭ[redakti | redakti fonton]