Blanknuka kolombo

Kiel legi la taksonomion Blanknuka kolombo
Biologia klasado
Regno: Animaloj Animalia Filumo: Ĥorduloj Chordata Klaso: Birda klaso Aves Ordo: Kolomboformaj Columbiformes Familio: Kolombedoj Columbidae Genro: Columba (genro) Columba Specio: Blanknuka kolombo Columba albinucha Sassi, 1911
Konserva statuso
Konserva statuso: Preskaŭ minacata
Aliaj Vikimediaj projektoj

La Blanknuka kolombo (Columba albinucha) estas birdospecio de la familio de Kolombedoj, Columbidae, kiu estas loĝanta reproduktanta birdo en multo de disa teritorio de la montoj de Kameruno unuflanke kaj en Albert-riftaj montarbaroj aliflanke.

Ties naturaj habitatoj estas tropikaj kaj subtropikaj humidaj foliarbaroj kaj tropikaj kaj subtropikaj humidaj montararbaroj. Ĝi estas minacata per habitatodetruo.

Priskribo

La plej rimarkinda trajto estas tre blanka makulareo en nuko, kio nomigas la specion ankaŭ en la latinlingva scienca nomo. Flugiloj estas verdece malhelbrunaj, dum subaj partoj estas helgrizaj kun grenatkoloraj makuletoj; ankaŭ supra dorso estas grenatkolora. La kolo estas griza kaj la kapo pli malhela. Estas fajna flava okulringo, kaj beko kaj kruro estas ruĝaj.

Statuso

Kvankam priskribita kiel surloke ofta en partoj de Demokratia Respubliko Kongo, la Blanknuka kolombo estas ĝenerale malabunda birdospecio kun limigita teritorio. La ĉefa minaco kium ĝi frontas estas la klarigado de la arbara habitato en kiu ĝi vivas, kvankam ĝi povas survivi en duaranga arbaro kaj estis registrita ankaŭ en kafoplantejoj. La populacitendenco estas nekonata kaj la Internacia Unio por la Konservo de Naturo rangigis ties konservostatuson kiel "preskaŭ minacata".

Literaturo

• Gibbs, Barnes kaj Cox, Pigeons and Doves (Pica Press 2001) (ISBN 1-873403-60-7)
• Ian Sinclair, Phil Hockey kaj Warwick Tarboton, SASOL Birds of Southern Africa (Struik 2002) (ISBN 1-86872-721-1)