Bombado de NATO super Jugoslavio

El Vikipedio, la libera enciklopedio
Salti al navigilo Salti al serĉilo

La bombado de NATO super Jugoslavio en 1999, ankaŭ konata kiel la kodnomo Operaco Aliancita Forto ( angle: Operation Allied Force), estis area puna operaco de la NATO kontraŭ la tiama Jugoslavio dum la okazintaĵoj konataj kiel Milito de Kosovo. La atakoj okazis ekde la 24-a de marto ĝis la 11-a de junio 1999. La bombado estis la dua granda operaco de NATO ekde ĝia kreado. Ĝi estas konsiderata kiel la unua milita operaco en la historio, kiu atingis la venkon per la nura uzado de la aer-militaĵoj.

La operaco estis entreprenita de NATO sen antaŭa aprobo de la Konsilio de Sekureco de Unuiĝintaj Nacioj, pro kio multaj amaskomunikiloj kaj grupoj konsideris, ke la bombado estis militkrimo. Intelektuloj kiel Noam Chomsky kaj Jean Bricmont kondamnis la atakon, asertante, ke ĝi estis kontraŭ la Ĉarto de Unuiĝintaj Nacioj

La nombro de mortintaj civiluloj estis alta, spite al asertoj de funkciuloj de NATO, ke ili celis nur militistajn lokojn. La realo estas, ke almenaŭ pli ol 500 kaj plej verŝajne pli ol mil civiluloj mortis pro la bombardadoj.[1] Krome oni atingis kaj detruis multajn interesaĵojn de la infrastrukturo de la jugoslava ŝtato, kiaj pontoj, turoj, civilaj konstruaĵoj ktp., kio rezultigis gravajn ekonomiajn damaĝojn.

Notoj[redakti | redakti fonton]

  1. Laŭ historiisto Michael Oren 4 civiloj mortis por ĉiu militisto mortinta.