Bucas Grande

El Vikipedio, la libera enciklopedio
Bucas Grande

LandoFilipinoj

AkvejoPacifiko

Supermara alteco128 m [+]
Koordinatoj9° 40′ N, 125° 57′ O (mapo)9.6736111111111125.94833333333Koordinatoj: 9° 40′ N, 125° 57′ O (mapo)
- koordinatoj9° 40′ N, 125° 57′ O (mapo)9.6736111111111125.94833333333Koordinatoj: 9° 40′ N, 125° 57′ O (mapo) [+]
Areo124,45 km² (12 445 ha) [+]


Bucas Grande
Wikidata-logo.svg
Information icon.svg
vdr

Bucas Grande estas insulo en la oriento de la Filipinoj, kiu apartenas al la filipina provinco Surigao del Norte. Ĝi situas en la filipina maro. La insulo havas 20 304 loĝantojn kiuj vivas en 14 komunumoj. La kompleta insulo apartenas al la komunumo Socorro.

Bucas Grande havas areon de 124,45 km². La renforma insulo konsistas grandparte el kalkŝtono kaj bazalto; en la mezo de la insulo troviĝas ankaŭ aluviaj grundoj. Ĉe la marbordo estas sablostrandoj kaj mangrovaj arbaroj. Interne de la insulo kreskas tropika pluvarbaro kaj en la norda parto de la insulo nana arbaro. La insulo apartenas al la insularo Siargao, kiu situas antaŭ la nordorienta marbordo de la ĉefa insulo Mindanao. Al la insularo apartenas ankaŭ jenaj insuloj: Siargao, Meza Bucas, orienta Bucas, Hinatuan, La Janosa, Anahawan kaj Dako.

La preciza geografia situo estas 9° 40′ N, 125° 57′ O.

Ĝi longas 124.45 kilometroj.

La insulo estas parto de la granda naturprotektejo Siargao Islands Protected Landscape and Seascape (SIPLAS) (protektitaj landa kaj mara pejzaĝo de la insularo Siargao). Ĝi havas riĉan flaŭron kaj faŭnon. Sole en la jaro 2011 oni trovis 24 speciojn de libeloj (Odonata). La insulo Bucas Grande precipe estas fama pro sia Sohoton-golfo, kie troviĝas sep malgrandaj insuloj kun multaj kavernoj. Ene de la insulo estas meduza lago, simile al la lago Ongeim'l Tketau sur Palaŭo. En la lago troviĝas nevenenaj meduzoj.

La temperaturo estas dum la tuta jaro preskaŭ sama ĉe ĉ. 30 grado; de decembro ĝis februaro estas pluvsezono. La loĝantoj de la insulo parolas la cebuan, tagalogan kaj la anglan lingvojn. Grandparte ili estas katolikaj. La insulo Bucas Grande estas atingebla per pramo al la plej granda insulo Siargao.