Cobra Verde
| Cobra Verde | |
|---|---|
| filmo | |
| Originala titolo | Cobra Verde |
| Originala lingvo | germana lingvo |
| Kina aperdato | 1987, 3 dec. 1987 |
| Ĝenro | filma dramo, aventura filmo, filmo bazita de literatura verko |
| Kameraado | Viktor Růžička, Thomas Mauch |
| Reĝisoro(j) | Werner Herzog |
| Produktisto(j) | Lucki Stipetić |
| Scenaro | Werner Herzog • Bruce Chatwin |
| Loko de rakonto | Brazilo • Benino • Elmina • Reĝlando Dahomeo |
| Muziko de | Popol Vuh |
| Rolantoj | Klaus Kinski • José Lewgoy • Salvatore Basile • Peter Berling • Benito Stefanelli • King Ampaw • Carlos Mayolo • Fred Maire |
| IMDb | |
Cobra Verde (Verda Kobro, konata ankaŭ kiel "Sklava Marbordo") estas germana drama filmo de 1987 reĝisorita de Werner Herzog kaj stelulita de Klaus Kinski, en ilia kvina kaj fina kunlaboraĵo. Bazita sur la romano de Bruce Chatwin de 1980 nome The Viceroy of Ouidah, la filmo montras la vivon de fikcia sklavkomercisto kiu veturas al okcidentafrika regno Dahomeo. Ĝi estis filmita en Ganao, Brazilo, kaj Kolombio.
Intrigo[redakti | redakti fonton]
Perdinte sian gregaron pro sekego, Francisco Manoel da Silva eliras el Sertao en Brazilo, iĝas eksterleĝulo kaj nomiĝas Cobra Verde (Verda Kobro]. Kiel administracianton de plantejisto, tiu sendis lin al Dahomeo akiri sklavojn, sed vere la plantejisto volas nur senigi sin el tiu, ĉar Cobra Verde estis gravediginta liajn tri filinojn. Fakte, la lokanestro senpie mortigas ĉiujn blankulojn kiuj kuraĝas aventuri al liaj teroj... Li dekomence sukcesas bone rilati kun la regnestro akirante sklavojn kontraŭ pafiloj kaj eĉ sukcesas regi kastelon. Kiam la rilatoj malboniĝis, la sklavkomercisto trajnas armeojn de afrikaninoj por elpostenigi la reĝon. Sed ankaŭ la rilato kun la nova reĝo malfacilas ĉefe post malpermeso de sklavkomerco fare de britoj kaj portugaloj.
Geaktoraro kaj roluloj[redakti | redakti fonton]
- Klaus Kinski kiel Francisco Manoel da Silva
- King Ampaw kiel Taparica
- José Lewgoy kiel Don Octavio Coutinho
- Salvatore Basile kiel kapitano Fraternidade
- Peter Berling kiel Bernabé
- Benito Stefanelli kiel kapitano Pedro Vicente
- Carlos Mayolo kiel Guberniestro de Bahia
Herzog kaj Kinski[redakti | redakti fonton]
Cobra Verde estis la lasta filmo farita de Werner Herzog kun Klaus Kinski. La delonga konflikto inter ambaŭ personecoj pintis dum tiu filamdo, kiu estis ege malhelpita per la koleratakoj de Kinski. Tio ege komplikiĝis kiam la direktoro de fotografio, Thomas Mauch, abandonis la projekto post konstantaj krikoleregoj fare de Kinski. Herzog devis anstataŭi Mauch per Viktor Růžička.[1]
La opiniojn de Herzog pri Kinski esploras profunde la dokumenta filmo de 1999, Mein Liebster Feind, kie Herzog ekzamenas iliajn amikecon, malamon kaj heredon pri kiu ambaŭ responsis. La filmado de Cobra Verde kaj la rilato de Herzog kaj Kinski estis ankaŭ la temo de svisa dokumenta filmo de 1987, nome Location Africa.
Referencoj[redakti | redakti fonton]
- ↑ DVD Verdict Review - Cobra Verde [https://web.archive.org/web/20061211203547/http://www.dvdverdict.com/reviews/cobraverde.php Arkivita en 2006-12-11 ĉe Wayback Machine
- En tiu ĉi artikolo estas uzita traduko de teksto el la artikolo Cobra Verde en la angla Vikipedio.