Den Haag Centraal estas la centra stacidomo de Hago. Kun dek du trakoj, Den Haag Centraal estas la plej granda kapostacio en Nederlando. Ĝi estis malfermita en 1973 tuj apud la malnova stacio Den Haag Staatsspoor. Ĝi estas ties posteulo, sed ĝi ofertas ligojn al pli da direktoj ol la malnova stacio. Malgraŭ ĝia nomo, ĝi ne estis centra stacio en la senco ke ĝi estis la nura grava stacio por la grandurbo. La stacio Den Haag HS ofertas pli da ligoj al Roterdamo, Dordrecht kaj Vlissingen. Krome, internaciaj trajnoj al Bruselo nur foriras de Den Haag HS. Ĝis 1996, Den Haag Centraal (male al Den Haag HS) havis neniun rektan interurban ligon kun stacio Amsterdam Centraal.