Diskuto:Šakiai

Estas aktuala diskuto en la vikimedia komunejo, ĉu forĵeti de tie ĉiujn fotojn de la centra urba preĝejo konstruita en modernisma stilo inter 1934 kaj 1940 laŭ planoj de la arkitekto Vytautas Žemkalnis-Landsbergis (1893-1993), ĉar la litova registaro instalis leĝon pri libereco de panoramo nur kun limigo ke tiaj fotoj de aktualaj konstruaĵoj ne aŭtomate rajtas esti komerce uzataj en reklamoj - tio ne estas sufiĉe senkopirajta leĝo laŭ la komunejaj puristoj, kiuj volas saman leĝon pri libereco de panoramo kiel en Usono en ĉiuj partoj de la mondo, kaj krome simple nur permesas fotojn de domoj, kies arkitekto pruveble mortis antaŭ pli ol 100 jaroj. Tiu purismo ankaŭ afektos forigon de la kvin esperantlingvaj fotoj alŝutitaj al la vikimedia komunejo, el fotista perspektivo liberaj havaĵoj. En la esperantlingva vikipedio teno de bildoj kun fotista licenco de libera havaĵo tute ne estas problemo, tial almenaŭ tri fotoj daŭre bildiĝu ĉi-tie kaj loke stokiĝu en la esperantlingva vikipedio. ThomasPusch (diskuto) 05:18, 17 jul. 2024 (UTC)

PS: Se oni strikte aplikos* la forigon de ĉiu foto, kiu bildigas iun objekton kies kreinto ne jam mortas ekde pli ol 100 jaroj, oni devos forĵeti ĉiun foton pri la urbo Šakiai krom tiun pri malnova germana luterana preĝejo el 1842 - pri tiu domo ne konatas la arkitekto kaj ties konkreta mortodato, sed se la preĝejo staras ekde pli ol 180 jaroj, sufiĉe probablas ke iu ajn arkitekto intertempe devas esti morta. Tamen: se oni decidas renovigi la fasadon kaj komisias la renovigan koordinadon al arkitekto, tiam la preĝejo povos esti konsiderata kiel ŝanĝita kaj ankaŭ ne plu havos lokon en la vikimedia komunejo. Same estas pri la fotoj de ĉiuj aliaj urboj kaj loĝlokoj en Litovio, en Francio kaj ankoraŭ en pluraj pliaj, probable multaj landoj. Se la logiko vere aplikiĝos, la vikimedia komunejo parte malinstalos sin mem. ThomasPusch (diskuto) 05:51, 17 jul. 2024 (UTC)

*Nun provizore nur temas pri ĉiuj fotoj pri la preĵejo, sed eblas facile ampleksigi la petojn pri forigo, kaj ene de sep tagoj oni decidos pri forigo. TP

Mi rigardis kelkajn el la fotoj kaj mi plu opinias, ke tia purismo iom stultas, ĉar oni ne prenas la esencan arton de la artisto, temas nur pri simpla konstruaĵo. Evidente tio estas fare de puristoj, kiuj forigas fotojn el la komunejo, sed foje retenas ilin aparte por la anglalingva vikio, kvazaŭ ili havas specialajn rajtojn. Mi ne kompetentas por diskuti anglalingve pri tiuj temoj, sed kompreneble apogas la restadon de tiuj fotoj, kaj ĉefe tiuj tri kiuj videblas en la esperantlingva artikolo. kani (diskuto) 11:36, 17 jul. 2024 (UTC)

Kara ThomasPusch, mi komprenas vian zorgon. La vikimedia komunejo kiel komuna datumbazo por projektoj estas ja bona subteninda projekto. Sed ĝi ne povas ŝanĝi la realecon ke iuj landoj havas tro striktajn leĝojn kaj stulte malpermesas/limigas la panoraman liberecon. La vikimediaj aktivuloj decidis obei la leĝojn por ne riskigi sian projekton. Ankaŭ ni ne povas ŝanĝi tion. Ni do atentu pri tiuj dosieroj, laŭeble kopiu ilin al nia propra esperanta ejo, kaj aldonu atentigon ke oni NE forigu ilin de tie. - Amike, Moldur (diskuto) 12:35, 17 jul. 2024 (UTC)

Klare. Kiel mi skribis, mia zorgo ankaŭ koncernas ĉu la laborforto de niaj administrantoj sufiĉos por trakti kaj kontroli pri espereble ne tro multaj el la komunejo kopiitaj kaj novaj loke alŝutataj bildoj. Mi samtempe dankemas kaj iritiĝas pro tio ke la aktivuloj de la komunejo tre malunuece traktas la bildojn de tiuj landoj, kompreneble ne pro sistemeco sed pro tio ke ankaŭ tie agas homoj kun limigitaj aktivaj horoj. Do oni neniam scias kiu bildo estos forigita de tie ene de unu semajno post kiam ĝi eble pace uziĝis dum 15 jaroj aŭ pli. ThomasPusch (diskuto) 08:21, 18 jul. 2024 (UTC)

Ĉu iu povas klarigi, kiel funkcias la litova leĝo? Ĉu vere la leĝo validas nur pri konstruaĵoj en Litovio? Tio surprizus min. Ĝenerale tiaj leĝoj ne diskriminacias tiel, do mi atendus, ke la litova leĝo same limigus, kion oni povas fari en Litovio per foto de konstruaĵo en Francio aŭ Usono. Nejuristoj ofte terure miskomprenas tiajn aferojn. Lingvano (diskuto) 09:33, 25 jul. 2024 (UTC)

@Lingvano: Se vi volas profundiĝi en la temon: En la komunejo estas konciza alineo «commons:COM:FOP Lithuania» angle pri la litova leĝo, kiu indikas la koncernan nacian leĝon: «Sub Leĝo Nr. VIII-1185 el 1999, kiel ŝanĝite ĝis Leĝo No. XII-1183 de 2014, Artikolo 28 [en Litovio], komerca uzo de reproduktaĵoj de arkitekturo aŭ skulptaĵo en publikaj lokoj [en Litovio] ne estas permesita kiam la verko estas la ĉefa temo kaj ĝi estas uzata komerce.» Laŭ mia kompreno de la litova teksto (en la interna ligilo bone tradukita al la angla: mi iam elfosis ĝin litovlingve el la interreto, sed kompreneble ne konservis la eksteran ligilon...) temas pri tio ke en Litovio principe ekzistas libero de panoramo, kun limigo ke tio ne aplikatas por pure komerce uzataj reklamoj por iuj ajn produktoj. La juremuloj (mi ne dirus juristoj) de la vikipedia komunejo el tio deduktas ke Estas NENIU libero de panoramo en Litovio, respektive asertas angle There is NO freedom of panorama in Lithuania! - ĉar la libero ne estas universala. La leĝo sendube validas por la jura tereno de Litovio, mi supozus ke ĝi same validas por objektoj el Litovio kaj por publikaĵoj (pri iuj lokoj tutmonde) eldonitaj en Litovio. Tamen la dua parto ne interesas ĉi tie, ĉar la vikimedia komunejo ne estas eldonita en Litovio. ThomasPusch (diskuto) 09:56, 26 aŭg. 2024 (UTC)

Cetere la anglalingva diskuto pri forigo de ĉiuj bildoj pri la kirko komencita la 17-a de julio 2024, kiu devus principe rezulti en forigo ene de 7 tagoj, nun jam pendas 6 semajnojn (!), post kiam mi kaj Taylor49 kaj alia ĉeĥa vikipediano vivanta en Litovio (kies fotoj ankaŭ devus forĵetiĝi) protestis, kaj neniu komuneja administranto jam plenumis la forigon. Sed laŭ la logiko de la komunejo la bildojn tamen necesus forĵeti, krom se oni argumentas ke "reproduktaĵoj de arkitekturo aŭ skulptaĵo en publikaj lokoj" en la litova leĝo signifus nur artan miniaturon de arkitektura konstruaĵo, ne la ne-artan fotaĉadon de tiu konstruaĵo per iu nefakula vikipediista turisto per malmultekosta poŝtelefono (dubinda argumentado). Kompreneble oni povus jure argumenti, ke tiom longe kiom neniu plendas pri sia kopirajto de la fotita objekto (heredantoj de la mortinta arkitekto aŭ la katolika paroĥo al kiu apartenas la kirko), ne necesas jure elpaŝi per forigo de ĉiuj fotoj. Sed tiel la juremuloj en la komunejo kutime ne argumentas, kaj ke la voĉesprimoj de uzantoj en la diskuto nun estas 3:1 kontraŭ forigo, signifas tute nenion pri la ĝenerala politiko de la komuneja projekto. ThomasPusch (diskuto) 10:15, 26 aŭg. 2024 (UTC)