Dmitro Ovĉarov
| Dmitro Ovĉarov | |
|---|---|
| |
| Persona informo | |
| Naskiĝo | 2-an de septembro 1988 (35-jaraĝa) en Kievo |
| Lingvoj | germana |
| Ŝtataneco | Germanio |
| Okupo | |
| Okupo | tablotenisisto |
Dmitro Ovĉarov (ukraine Дмитро Овчаров [Dmitro Ovĉarov], ruse Дмитрий Михайлович Овчаров [Dmitrij Miĥajloviĉ Ovĉarov], nun en Germanio kaj internacie literumata Dimitrij Ovtcharov, loke ankaŭ Dimitri Owtscharow, naskiĝis la 2-an de septembro 1988 en Kievo, do nun 35-jaraĝa) estas profesia germana tablotenisisto de familie ukraina deveno. Lia patro Miĥajlo, sovetia tablotenisa ĉampiono en 1982, translokiĝis kun sia familio al Germanio baldaŭ post la naskiĝo de la filo.
Ekde 2008 Dmitro Ovĉarov gajnis entute unu arĝentan kaj kvar bronzajn medalojn en la olimpikoj. Rangigita la unua de januaro ĝis februaro 2018, li estas rangita oka en la listigo de la Internacia Tablotenisa Federacio ekde julio 2021.
Ĉe la somera olimpiko 2008 en Pekino, li gajnis la arĝentan medalon kadre de la germana vira teamo, kune kun Timo Boll kaj Christian Süß. Li uzis specialan teknikon en siaj servoj, kiu poste estis elektita de la magazino TIME kiel unu el la supraj 50 novigoj de 2008.
La 22-an de septembro 2010, Dmitro Ovĉarov estis malakceptita de la Germana Tablotenisa Federacio (DTTB) pro pozitiva A-prova testo por Klenbuterolo, kiu povas esti uzata kiel pliboniga substanco. Li mem neis uzon de la substanco la dopan akuzon kaj petis analizon de B-specimeno, kiu ankoraŭ rezultis pozitiva. Post pliaj esploroj, la hara specimeno memvole ofertita de Dmitro Ovĉarov ne montris evidentecon pri Klenbuterolo kaj ĝia misuzo. La germana federacio poste unuanime decidis nuligi la suspendon la 15-an de oktobro 2010. La decido estis aprobita de ITTF.
Ĉe la somera olimpiko 2012, Dmitro Ovĉarov gajnis bronzajn medalojn en unuopaĵoj kaj teamaranĝoj. En junio 2015, li gajnis oran medalon ĉe la inaŭguraj Eŭropaj Ludoj. Ĉe la somera olimpiko 2016, li estis venkita de Vladimir Samsonov en la unuopa kvaronfinalo. Li tiam gajnis teaman bronzan medalon. En junio 2017, li gajnis la titolon ĉe la Ĉinia Malferma Turniro kontraŭ Timo Boll kaj en aŭgusto 2017 gajnis la titolon ĉe la Bulgara Malferma Turniro. En januaro 2018, li fariĝis la unua (do plej bona) monda tablotenisa ludanto.
En marto 2021 Dmitro Ovĉarov ludis en turnira serio en Doha. Li venkis en unua turniro kaj atingis la duonfinalon de dua turniro, nomata Star Contender. Precipe li faris plurajn ŝlosilajn taktikajn ĝustigojn por ĝeni lian kongraŭulon Lin Yun-Ju en la finalo post perdado kontraŭ Lin en iliaj antaŭaj kvar renkontoj. Kiel rezulto de lia sukceso en Doha, li realiĝis al la plej bona deko en la mondaj rangotabeloj. En junio de tiu jaro, li ludis en la Eŭropa Ĉampioneco pri Tabloteniso, atingante la finalon antaŭ perdi kontraŭ sia germana nacia samteamano Timo Boll. Dmitro Ovĉarov gajnis bronzon ĉe la Tokia Olimpiko de 2021 en la vira unuopa evento, kaj atingis arĝentan medalon en la vira teamaranĝo, gajnante sian rekordan sesan olimpikan medalon.