Domo de Okcitanio

El Vikipedio, la libera enciklopedio
Salti al navigilo Salti al serĉilo
Sidejo de la Domo de Okcitanio en la urbocentro de Tuluzo

La Domo de Okcitanio (okcitane Ostal d'Occitània) estas kulturcentro okcitana de Tuluzo, situanta en la lokaloj renovigitaj de la domo de Boisson de la strato Malcosinat numero 11. Ĝi estis inaŭgurita la 16-an de decembro 2006. La centro gastigas, vere, du sendependajn domojn en la historia centro de Tuluzo apartenintaj al gravuloj de la urbo Boisson kaj Cheverrí, de 1468 kaj 1535 respektive.

La restaŭrado estis financita de la tuluza urbodomo (63%), la ĝenerala konsilio de Alta Garono (23%) kaj la regiona konsilio de Sudo-Pireneoj (14%).

Ĝin mastrumas la federacio de asocioj Convergéncia occitana, kiu uzas ĝin kun tri celoj:

  • Kiel asocia laborloko.
  • Kiel diskonigejo; librovendejo kaj biblioteko.
  • Kiel kulturcentro malfermita al la publiko; ekspozicioj, prelegoj, spektakloj, inter aliaj.

Alia parto de la "Ostal d'Occitània" troviĝas en la malnova aneksaĵo de la kolegio Clamença Isaura, de la strato Pont de Tonís, numero 5, kie instaliĝis la okcitana konservatorio, la dulingva okcitan-franca lernejo Sent Çubran kaj la sportejo mastrumata de Convergéncia occitana.

Eksteraj ligiloj[redakti | redakti fonton]