Eckmühl (iam konata kiel Eggmuhl, en Bavario oficiale kiel Eggmühl) estas vilaĝo de Germanio, en Bavario, ĉe Große Laaber, 20 km S.Or. de Regensburg. Ĝi estas fama kiel loko de batalo luktita la 22an de Aprilo 1809 dum la Milito de la Kvina Koalicio inter Francoj, Bavarianoj, Württemberger-anoj estritaj de Napoleono unuflanke, kaj la Aŭstrianoj estritaj de la Arkiduko Karlo de Aŭstrio-Teschen, kio rezultis en la malvenko de tiuj lastaj. Napoleono Bonaparte, kiel agnosko de la granda kontribuo de la Marŝalo Davout en la venko, havigis al li la titolon de Princo de Eckmühl.