El la "Verda Biblio"

El Vikipedio, la libera enciklopedio
Salti al navigilo Salti al serĉilo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
El la "Verda Biblio"
El la "Verda Biblio"
Aŭtoro Izrael Lejzerowicz
Eldonjaro 1935
Eldoninto Literatura Mondo
ISBN 963 571 036 4
Information icon.svg
vdr

El la "Verda Biblio" estas satira libro de Izrael Lejzerowicz. La unua eldono estis de Literatura Mondo en 1935. Precipe temas pri parodio de la ĝis-tiama Esperanta movado.

La libro konsistas precipe el 25 ĉapitroj en Biblieca stilo. Estas fikciaj nomoj kiuj aludas historiajn Esperantistojn kaj eventojn. Ekzemple Andreo Apud en Ĉapitro VI estas vortluda aludo al Andreo Cseh.

La libro enhavas ĉirkaŭ 15 ilustraĵojn de nekonata artisto.

Eldonhistorio[redakti | redakti fonton]

  1. Literatura Mondo, 1935
  2. Hungara Esperanto-Asocio, 1978
  3. Eldonejo Hejme, 2007

Aliforme[redakti | redakti fonton]

Jerzy Fornal adaptis elĉerpaĵojn en drama formo, 1997

Recenzoj[redakti | redakti fonton]

Citaĵo
 1 En la komenco la Senkorpa Mistero kreis Volapükon. 2 Kaj Volapük estis senforma kaj kaosa kaj mallumo estis en ĝi. 3 Kaj la Senkorpa Mistero diris : Estu lumo: kaj fariĝis Esperanto. 4 Kaj la Spirito vidis Esperanton, ke ĝi estas bona : kaj la Spirito apartigis Esperanton de Volapük. 5 Kaj la Spirito nomis Esperanton Eterna Tago kaj Volapükon nomis Nokto. Kaj estis vespero kaj estis mateno - unu Tago.

Jen la komenco de tre bonhumora libro, aperinta unuafoje en 1935. Se vi iom konas la orientan stilon de la biblio kaj iom scias pri la historio de Esperanto, vi legos kaj relegos ĉi tiun satiron kun plezuro kaj vi divenos la nomojn Bofrunt, Andreo Apud, Osbriko, Junio Pagi, Kafo Alt, Kalsurmano Galoŝej, Ragmond Ŝerc kaj multajn aliajn. Kaj krome vi rimarkos, ke multe el la spirita kritiko ankoraŭ estas necesa. 
— julio-aŭgusto 1979, W. Krikke, Esperanto, 883-4 (7-8), paĝo 132

Eksteraj ligiloj[redakti | redakti fonton]