Eschwege

Eschwege
ĉefurbo de distrikto en Germanio ; urbeto ; urba komunumo de Germanio vd
Flago	Blazono
Administrado
Statuso	Urbo
Lando	Germanio
Regiono	federacia lando Hesio
Distriktaro	Kassel
Distrikto	Werra-Meißner
Ĝemelurboj	St.-Mandé (FR), ; Mühlhausen (DE), ; Regen (DE)
Poŝtkodo	37269
Aŭtokodo	ESW
Telefonkodo	+49-5651
Kodo laŭ AGS	06636003
En TTT	Oficiala retejo [+]
Urbestro	Alexander Heppe
Demografio
Loĝantaro	18 743 (fine de decembro 2 024)
Loĝdenso	307 loĝ./km²
Geografio
Geografia situo	51° 11′ N, 10° 3′ O (mapo)51.18805555555610.052777777778Koordinatoj: 51° 11′ N, 10° 3′ O (mapo) [+]
Alto	211 m
Areo	63,27 km² (6 327 ha)
Horzono	+1
	Eschwege (Hesio)
	Situo de Eschwege
	Eschwege (Germanio)
	Situo de Eschwege
Alia projekto
	Vikimedia Komunejo Eschwege [+]
	v • d • r

Eschwege [Eŝvege] estas germana urbo en la nord-okcidento de Hesio. Ĝi estas administra sidejo de la distrikto Werra-Meißner. La urbo situas borde de la rivero Werra. Fine de la jaro 2024 la komunumo havis 18743 loĝantojn.

Blazono

La blazono de Eschwege montras sur ruĝa fono arĝentan kastelon kun du turoj pint-tegmentaj. Inter la turoj ŝvebas verda fraksena branĉeto kun tri folioj (la germana vorto Esche signifas "frakseno").

Partneraj urboj

Arkitekturo

Eschwege konservis mezepokan urbocentron kun kohera trabfaka domaro. Krome ekzistas jenaj vidindaj konstruaĵoj:

Preĝejo "St. Katharina" en kvartalo Neustadt
Bazareja preĝejo "St. Dionys"
Eschweger Landgrafenschloss, kastelo, sur kies turo ĉiuhore aperas mekanika trumpetisto, nomata Dietemann, maskoto de la urbo
Hochzeitshaus ("geedziĝa domo", burĝa domo de 1578)
Schulberg (Cyriakusberg), monteto kun turo "Karlsturm"
Nikolaa Turo (eksa kirka turo de 1455)
Bismarck-a Turo sur monteto "Leuchtberg" oriente de la urbo (de 1903)
Schäferhalle (pavilono sur la okcidenta deklivo de Leuchtberg)
Eksa sinagogo, nuna nov-apostola kirko
Hospitala Kapelo
Monaĥejo, sidejo de bierfarejo "Eschweger Klosterbrauerei"

Esperanto-vivo

En Eschwege okazis la 29-a Internacia Seminario dum la jarŝanĝo inter 1985 kaj 1986. En la urbo ekzistas loka asocio de esperantistoj.

En Eschwege vivis Rüdiger Sachs (1927–2013). El liaj kvin gefiloj en la 1980-aj kaj 1990-aj jaroj en la junulara Esperanto-movado aparte aktivis la filino Martina. Krome, same en la 1980-aj kaj 1990-aj jaroj en la junulara Esperanto-movado kiel junaj lernejanoj aparte aktivis la gefratoj Thorsten kaj Meike Höbbel, interalie kiel kunorganizantoj de la Internaciaj Seminarioj de GEJ.