Eugenia Amis

El Vikipedio, la libera enciklopedio
Jump to navigation Jump to search
Eugenia Amis
Ĵenja Amis (2005)
Ĵenja Amis (2005)
Personaj informoj
Naskiĝo 5-an de septembro 1978 (1978-09-05) (40-jara)
en Kievo
Ŝtataneco Usono, Kanado, Ukrainio
Profesio esperantisto, redaktoro
Lingvoj Esperanto
Familianoj
Edz(in)o Joel Amis
v  d  r
Information icon.svg

Ĵenja (Yevgeniya) Zvereva AMIS naskiĝis la 5-an de septembro 1978 en Kievo, Ukrainio, kaj esperantistiĝis en 1999; ŝi loĝis en Atlanto (Usono) en 2005-2010, kaj ekde oktobro 2010 ŝi loĝas en Montrealo, Kanado.

En 2003 ŝi diplomiĝis de Nacia Teknika Universitato de Ukrainio "KPI" (eldona fakultato) kiel ĵurnalisto-redaktoro. En Ukrainio ŝi kunlaboris kiel ĵurnalisto kun kelkaj tutlandaj turismaj ĵurnaloj kaj revuoj kiel ĵurnalisto kaj redaktoro (ŝi multe kontribuis, interalie, per artikoloj pri Esperanto).

Ekde 2002 ĝis somero 2007 ŝi estis ĉef-redaktorino de Kontakto, kaj ekde somero 2007 ĝis somero 2008 - ĝia kompostisto kaj vic-redaktoro; ŝi ankaŭ estis vicredaktorino kaj kompostistino de TEJO Tutmonde kaj de la revuo de Esperanto-USA (antaŭe ELNA). Ŝi estas estrarano de Esperanto-Societo Kebekia kaj redaktoro de ties revuo La Riverego.

Familio[redakti | redakti fonton]

En majo 2005 ŝi edziniĝis al Joel Amis en rozkruca geedziĝceremonio en la Atlanta Loĝio de la Rozkruca Ordeno, AMORC.