Exeter College

El Vikipedio, la libera enciklopedio
Jump to navigation Jump to search
korto de la kolegio Exeter College parto de la Universitato de Oksfordo

Exeter College - proksimuma prononco [Eksetr KOL'ĝ] - estas unu el la kolegioj kiuj sume konsistigas la Universitaton de Oksfordo. Ĝi nomatas laŭ la urbo Exeter, centro de la provinco Devon en sudokcidenta Anglio. Temas pri la kvara plej malnova kolegio de la Universitato.

La kolegio situas en la strato Turl Street, kie ĝi estis origine fondita en 1314 fare de Walter de Stapledon, episkopo de Exeter, kiel teologia altlernejo. Ekde ĝia fondiĝo, la kolegio estis populara edukejo por studantoj el la nobelaro de la provinco Devon. Inter alie tie studis la verkistoj John Ronald Reuel Tolkien kaj Philip Pullman, ankaŭ la nuna Prezidento de Peruo Pedro Pablo Kuczynski.

En 2012, la kolegio havis budĝeton de iom pli ol 48 milionoj da britaj pundoj.