Universitato de Exeter

El Vikipedio, la libera enciklopedio
Salti al navigilo Salti al serĉilo
Exeposé Logo 2012 - present (cropped).jpg

La Universitato de Exeter (angle: University of Exeter, aŭ "Universitato Exeter") estas universitato en Britio. Ĝi situas en la antikva urbo Exeter, Devon, en sudokcidento de Anglio. Ĝiaj antaŭuloj estis fonditaj en 1855 (Exeter School of Art) kaj en 1863 (Exeter School of Science). En 1868, la Schools of Art and Science estis alilokitaj al Royal Albert Memorial Museum en la Queen Street, Exeter kaj kun apogo de Universitato Kembriĝo, iĝis Exeter Technical and University Extension College en 1893. En 1900, ĝia oficiala titolo estis ŝanĝita al Royal Albert Memorial College kaj la kolegio estis movita al Bradninch Place en Gandy Street. Ĝi estis alinomita en 1922 kiel University College of the South West of England ("Universitata Kolegio de Sudokcidenta Anglio"), ĝi ricevis la Reĝan Ĉarton en 1955.

Ĝi estas la sola universitato en la urbo Exeter kaj konsistas el du kampusoj en la urbo (Streatham kaj Sankta Luko) kaj unu en Kornvalo (Penryn). La plej granda kampuso estas en Streatham, tre proksima al la urbocentro kaj la plej bela en Unuiĝinta Reĝlando pro siaj ĝardenoj. Ĝi estas unu el la tri universitatoj en Devon, la aliaj estas la Universitato de Plymouth, kaj la Universitato de Sankta Marko kaj Sankta Johano (Plymouth).

Plej famaj studentoj de la universitato estis aŭtorino de Harry-Potter-libroj Joanne K. Rowling, ŝtatprezidanto (2007-14) de Turkio Abdullah Gül; Peter kaj Zara Phillips, infanoj de brita reĝa princino Anne kaj nepoj de reganta reĝino Elizabeto la 2-a (Britio).