Felix Mitterer
| Felix Mitterer | |||||
|---|---|---|---|---|---|
| |||||
| Persona informo | |||||
| Naskiĝo | 6-an de februaro 1948 (76-jaraĝa) en Achenkirch | ||||
| Lingvoj | germana vd | ||||
| Ŝtataneco | Aŭstrio  vd
| ||||
| Profesio | |||||
| Okupo | scenaristo teatra aktoro dramaturgo verkisto filmaktoro vd
| ||||
| Laborkampo | Teatra arto, kreiva kaj profesia verkado, teatro kaj theatre performance (en)  vd
| ||||
| Verkado | |||||
| Verkoj | Q29575843 vd | ||||
| |||||
| vd | Fonto: Vikidatumoj | ||||
Felix MITTERER (naskiĝinta la 6-a de februaro 1948 en Achenkirch) estas aŭstra dramisto kaj aktoro. Li deĵoris kiel verkisto de teatraĵoj, radiodramoj kaj scenaroj.
Vivo
[redakti | redakti fonton]Felix Mitterer naskiĝis kiel filo de la vidviniĝinta kamparanlaboristino Adelheid Marksteiner kaj de rumana fuĝinto kaj adoptitis rekte post la naskiĝo fare de amika geedza paro. En Kitzbühel und Kirchberg in Tirol li frekventis la lernejon kaj poste la porinstruistan seminarion en Innsbruck. Ekde 1966 li laboris ĉe la insbruka doganejo.
Liaj unuaj kontribuaĵoj elsenditis ĉe ORF en la 1970-a jaro. En 1977 li iĝis liberprofesia verkisto. Krome li de tempo al tempo ankaŭ aperis sursceneje kiel aktoro, kiel en sia teatraĵo Kein Platz für Idioten. En 1995 li transloĝiĝis al Castlelyons en la irlandan Graflandon Cork. En 2010 li akiris farmbienon en Ravelsbach, kie li loĝas ekde 2011 [1][2]
Memdifino kaj temoj
[redakti | redakti fonton]Mitterer nomis sin mem tirola patrujpoeto kaj popolverkisto kaj kontinuigas per siaj verkoj, en kiuj ofte troviĝas tekstoj en (artefarita) dialekta lingvo, la tradicion de la popolteatro. Tie li ofte temigis problemojn kaj kontroversiaĵojn: ekz. en Kein schöner Land la entrudiĝon de nacisocialismo en la malurbajn komunumojn aŭ en la kvarparta serio DIe Piefke-Saga la rilaton inter germanaj turistoj kaj aŭstraj gastigantoj. La laste menciita, dum sia apero en 1991 ege pridiskutita serio, kiel ankaŭ Verkaufte Heimat (ambaŭ elsenditaj ĉe ORF) furoregis kaj igis Mitterer konata en la tuta lando. Liaj ĉefroluloj ofte estas socialaj ĉeranduloj (ekz. en Kein Platz für Idioten aŭ Die wilde Frau).
Inspirite de la vivo de la laŭdira ĉasŝtelisto Pius Walder li skribis scenarojn por pluraj epizodoj de la krimserio Tatort.[3]
Unuafoje post 1983 Mitterer aktoris denove en 2012. Dum la Tirolaj popolteatraj festivaloj li ludis la rolon de la simio Rotpeter en dramigita versio de Ein Bericht für eine Akademie de Franz Kafka.
Multaj el liaj verkoj, kiel la en 1977 ĉe Volksbühne Blaas en Innsbruck la premieron havinta teatraĵo Kein Platz für Idioten, krome Besuchszeit kaj Sibirien (premiero en 1989 en Telfs) daŭre nove enscenigatas. Krom dramojn li skribis ankaŭ kelkajn porinfanajn librojn.
Honoroj (elekto)
[redakti | redakti fonton]- 1978 Kunstpreis der Stadt Innsbruck für Dramatische Dichtung
- 1987 Peter-Rosegger-Preis
- 1988 Tiroler Landespreis für Kunst
- 1991 Adolf-Grimme-Preis und Romy
- 2001 Ernst-Toller-Preis
- 2003 ORF-Hörspielpreis
- 2004 Prix Italia
- 2005 Ehrenzeichen des Landes Tirol
- 2009 Romy
- 2013 Ödön-von-Horvath-Preis[4]
- 2013 ORF-Hörspielpreis
Eksteraj ligiloj
[redakti | redakti fonton]- Informoj pri Felix Mitterer en katalogo de la Germana Nacia Biblioteko (germane)
- Informoj ĉe IMDb* Brenner-Archiv, Innsbruck
- Felix Mitterer ĉe la Insbruka gazetarkivo de la universitato
- Tatort-arkivo
- Biografio ĉe la eldonejo[rompita ligilo]
- Leksikono Literatur in Tirol kun detalega verkaro-listo kaj ligiloj
Subnotoj
[redakti | redakti fonton]- ↑ ORF Niederösterreich, 11.11.2010[rompita ligilo]
- ↑ Novaĵoj el Ravelsbach, decembro 2010
- ↑ Tatort Trilogie – Passion - Böses Blut - Elvis lebt. Arkivita el la originalo je 2013-05-15. Alirita 2015-03-09 .
- ↑ Anonco en la 4.11.2013