Fervojlinio Szczecin Główny – Grambow estas durela, parte elektrizita fervojlinio de 14,9 kilometroj, kiu kunigas la fervojan ĉefstacion de la urbo Szczecin en nuna Pollando kun la fervojhaltejo Grambow en nuna Germanio. La linio funkcias sur teritorio de Okcidentpomeria Provinco (Pollando) je 13,1 kilometroj kaj Meklenburgo-Antaŭpomerio (Germanio) je la restaj 1,8 kilometroj. Trafikanto estas la pola fervoja kompanio PKP Polskie Linie Kolejowe[1].
La tuta linio estas parto de la pola-germana fervojlinio Bützow – Szczecin.
La vojaĝtempo inter la fervojstacioj Szczecin Główny (ĉefstacidomo) kaj Grambow (distanco 15 km) estas 16 minutoj. Nuntempe el Szczecin ĝis Grambow veturas 9 paroj de regionaj trajnoj. 7 paroj veturas ĝis fervojstacio Lübeck Hauptbahnhof (ĉefstacidomo) kaj 1 ĝis Schwerin Hauptbahnhof kaj Neubrandenburg.
