Filinovo

	Filinovo; (Филинова)
	Dvorec (Palaco), Dvoreckaja (Palaca)
	vilaĝo
vilaĝo
	Oficiala nomo: Филинова
Lando	Rusio
Ŝtato	Tjumena provinco
Regiono	Urala federacia regiono
Distrikto	Tjumena distrikto
Rivero	Turo
Situo	Filinovo
Loĝantaro
Horzono	UTC+5
Aŭtokodo	72
	Filinovo (Rusio) neniuj koordinatoj
	Situo kadre de Rusio
	Filinovo (Tjumena provinco) neniuj koordinatoj
	Situo kadre de Tjumena provinco
	v • d • r

Filinovo (ruse Филинова, Filinova) estis vilaĝo en Tjumena distrikto (Tjumena provinco, Rusio).

Geografio

Filinovo situis en la sud-okcidenta parto de Tjumena provinco kaj la respektiva parto de Okcident-Siberia Malaltebenaĵo, sur la maldekstra bordo de la rivero Turo, proksimume 41 km for de la suda rando de Tjumeno, 1 km for de la Tobolska landvojo. Ĝi situis inter vilaĝoj Borki kaj Ŝeŝukovo.

Historio

Komence de la 1860-aj jaroj plejparto de la loĝantoj okupiĝis pri grenkultivado, iuj ankaŭ pri fiŝkaptado, transportado de pasaĝeroj kaj kargoj, faris bastonmatojn kaj fiŝkaptajn retojn, komercis pomalgrande je lanugoj, viloj, stupoj ks^[1].

La vilaĝo estis fondita de migrantoj el Eŭropa Rusio en la dua duono de la 19-a jarcento kaj konsistis el 20 kortoj, multaj el kiuj havis duetaĝajn domojn kaj plurajn mastrumejojn. Ĝi situis ĉe la bordo de Turo, kiu poste komencis rapide defali, vorinte unue legomejojn kaj poste minacinte kortojn. Parto de vilaĝanoj malmuntis la konstruaĵojn kaj transloĝiĝis 800 metrojn for, pli proksime al la Tobolska landvojo, apud lago Moĥovoje (Muska). Lokanoj nomis ironie la unuan translokitan domon Palaco (ruse Дворец, Dvorec), eble ĉar loĝantoj de la nova kvartalo havis familinomon tradukeblan kiel Reĝoj (ruse Королёвы, Korolovi). Oni komencis uzi tiun ĉi kromnomon kiel la duan nomon de la vilaĝo ĝenerale, do en ĉiuj dokumentoj kaj publikaĵoj oni menciis ambaŭ — Filinovo (Dvorec)^[2].

En la 1920-aj jaroj aperis dujara bazlernejo, post fini ĝin la infanoj daŭrigis la lernadon en Borki. En 1930 estis establita kolĥozo "Ruĝa Spiko" (ruse Красный колос, Krasnij kolos), kies unua prezidanto estis Ilja Orlov, sekvita de Nina Korolova. En la 1950-aj jaroj la kolĥozo aliĝis al la grandigita kolhozo de vilaĝo Borki^[2].

Vidu ankaŭ

Referencoj

↑ Стефановский, Василий (1860–1864). “Статистическое описание Тюменского округа Тобольской губернии, в промышленном отношении”, Тобольские губернские ведомости [citata laŭ: Тобольские губернские ведомости. Сотрудники и авторы: Книга II. Антология тобольской журналистики конца XIX — начала ХХ в. — Тюмень: Мандр и К^а, 2004. ISBN 5-93020-317-2.]. (ru), p. 62.
↑ ^2,0 ^2,1 zampolit (2021-08-31) Деревня Филинова или Дворец (ruse). PUTI-shestvuy. Alirita 2024-07-22.

[1] Стефановский, Василий (1860–1864). “Статистическое описание Тюменского округа Тобольской губернии, в промышленном отношении”, Тобольские губернские ведомости [citata laŭ: Тобольские губернские ведомости. Сотрудники и авторы: Книга II. Антология тобольской журналистики конца XIX — начала ХХ в. — Тюмень: Мандр и К^а, 2004. ISBN 5-93020-317-2.]. (ru), p. 62.

[Деревня_Филинова_или_Дворец-2] 2,0 ^2,1 zampolit (2021-08-31) Деревня Филинова или Дворец (ruse). PUTI-shestvuy. Alirita 2024-07-22.

[1]

[2]