Franz de Paula Mestán
| Franz de Paula MESTÁN | |
|---|---|
| Persona informo | |
| Naskiĝo | 1-an de aprilo 1865 en Hlinsko, Bohemio |
| Morto | 21-an de februaro 1941 en Krems ĉe la Danubo |
| Lingvoj | Esperanto |
| Ŝtataneco | Aŭstrio |
| Okupo | |
| Okupo | esperantisto • katolika sacerdoto |
Franz de Paula MESTÁN [meŝtan], ankaŭ konata kiel F. Meŝtan, (naskita la 1-an de aprilo 1865 en Hlinsko, Bohemio; mortinta la 21-an de februaro 1941 en Krems ĉe la Danubo) estis aŭstra esperantisto kaj katolika pastro. Dum 18 jaroj li estis provincialo de la ordeno de piaristoj por Aŭstrio kaj konsistoria konsilisto en Krems.
Religia kariero[redakti | redakti fonton]
Li fariĝis la 21an junio 1888 ekleziulo, estis 1889—99 kapelano en Maria Treu, poste vicrekloro kaj rektoro en Krems, provincialo por la aŭstria provinco de l’ ordeno de piaristoj de 1906— 1924, intertempe dum 1907 ankaŭ paroĥestro en Maria Treu. Pastro Mestan ricevis en 1919 la titolon „Konsistorialrat“ kaj post denove estis ĉefo de la novicoj en Krems.
Esperanto[redakti | redakti fonton]
Li multe laboris en la Esperanto-movado. Li estis prezidanto de IKUE, vicprezidanto de AED kaj komisaro de ŝtata Ekzamen-komisiono de Esperanto en Vieno. Li verkis Tabelojn por intua instruado de Esperanto, aprobitaj de la ministerio por instruaferoj, krome multe uzatan preĝareton.
