Zwischbergen

El Vikipedio, la libera enciklopedio
(Alidirektita el Furgge)
Jump to navigation Jump to search
Zwischbergen
Blazono de Zwischbergen
Blazono de Zwischbergen
Zwischbergen
Zwischbergen
Kantono Valezo
Distrikto Brigo
Koordinatoj  46°9′50″N 8°7′1″O  /  46.16389°N, 8.11694°O / 46.16389; 8.11694 (Zwischbergen)Koordinatoj: 46°9′50″N 8°7′1″O  /  46.16389°N, 8.11694°O / 46.16389; 8.11694 (Zwischbergen)
Nombro de enloĝantoj 76
Areo 86,15 km²
Alteco 1359 m super marnivelo
Poŝtkodo 3901
Komunumkodo 6011
Mapo de Zwischbergen
Situa mapo de Zwischbergen
v  d  r
Information icon.svg

Zwischbergen estas komunumo en la distrikto Brigo en Kantono Valezo, Svislando. Ĝi havis 76 loĝantojn je la 31-a de decembro 2012. La ĉefloko de la komunumo estas Gondo.

Geografio[redakti | redakti fonton]

La komunumo Zwischbergen situas ĉe la suda flanko de la Sempiono-Pasejo. La komunumo konsistas el la vilaĝo Gondo kaj la setlejoj Bellegge, Bifig, Bord, Egerten, Furgge, Hof kaj Katzhalden.[1]

La teritorio de la komunumo etendiĝas sur areo de 86,15 km², de kiuj 21,8% estas kovritaj de arbaro, 13,3% servas por agrikulturo kaj 0,4% por setlado. La plej granda parto de la komunuma teritorio estas altmontara dezerto, kiu konsistas el rokoj kaj glaĉeroj.[2]

Najbaraj komunumoj[redakti | redakti fonton]

La komunumo Zwischbergen limas en nordo al Ried-Brig, en nordoriento al Varzo (VB, Italio), en oriento al Bognanco (VB, Italio), en sudoriento al Antrona Schieranco (VB, Italio), en sudo al Trasquera (VB, Italio), en okcidento al Saas-Almagell, kaj en nordoriento al Sempiono.

Trafiko[redakti | redakti fonton]

Tra Zwischbergen pasas la kantona ĉefvojo n-ro 9, kiu kondukas al la Sempiono-Pasejo. Pere de la poŝtaŭtolinio de Iselle al Sempiono la komunumo estas konektita al la publika transportreto.

Historio[redakti | redakti fonton]

La unua dokumenta mencio de Zwischbergen datiĝas el la jaro 1304 kiel Zewischeneberuen. De la 17-a jarcento ĝis 1875 la familio Stockalper posedis orminejon ne Zwischbergen, kiu en 1875 post bankrotiĝo estis fermita. Hodiaŭ la malnova minejo viziteblas por turistoj. En la jaro 1741 Franz Joseph Burgener ekspluatis ferminejon en Zwischbergen.[3]

Gondo, la ĉefloko de Zwischbergen, apartenis dum mezepoko al la regado de Novaro, ĝis en la jaro 1291 la episkopo de Siono aĉetis la suverenecon pri la loko. La paroĥo tamen ankoraŭ ĝis 1822 apartenis al Novarra. En la 18-a kaj 19-a jarcentoj fortaj lavangoj damaĝis la vilaĝon Gondo. La 14-an de oktobro 2000 triono de la vilaĝo Gondo estis detruita de montofalo. Mortis en la katastrofo 13 homoj.[4]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Alois Grichting: Zwischbergen en Historia Leksikono de Svislando (2012-06-22)
  4. Fonto: Rachel Siggen-Bruttin: Gondo en Historia Leksikono de Svislando (2006-11-13)

Eksteraj Ligiloj[redakti | redakti fonton]

Bildoj[redakti | redakti fonton]