Guberniestro

Guberniestro estas ŝtata gvidanto, kiu regas landon aŭ grandan landoparton (iam kolonioj, federaciaj landoj) per preskaŭ plena potenco. Ĝi ofte regis anstataŭ la reĝo, se la reĝo estis ne plenaĝa.

La administran unuon gubernio enkondukis en Rusio Petro la Granda en 1708. Tie la guberniestro respondecis pri administrado, juraferoj, policaj kaj financaj aferoj. Li estis ankaŭ ĉefkomandanto de la armeaj taĉmentoj garnizonigitaj en la gubernio.