Hiawatha

El Vikipedio, la libera enciklopedio
Salti al navigilo Salti al serĉilo

Hiawatha (ankaŭ Hajavato; en la oĝibva indiana lingvo: „kreas riverojn”) estis legenda estro de la nord-amerika onondaga indiana tribo (ĉ. 1450). Laŭ indiana tradicio, li fondis la Ligon de Kvin Nacioj (Irokeza Tribasocio).

Hiawatha estas la reprezentanto de la homa evoluo kaj civilizo. Li instruis al sia popolo agrikulturon, ŝipadon, kuracadon kaj artojn kaj per mirakla povo malsovaĝigis la malamikajn fortojn de la naturo.

The Song of Hiawatha[redakti | redakti fonton]

Pri la historio de indiana estro Hiawatha parolas la longa, populara versaĵo The Song of Hiawatha (La kanto de Hiawatha) de Henry Wadsworth Longfellow (1855), kiu uzas la Kalevala-versadon. La rolulo de la versaĵo tamen havas apenaŭ ion komunan kun la irokeza fondinto alie ol la nomo.