Horní Houžovec

Horní Houžovec
vilaĝo
Ligna preĝejeto en Horní Houžovec
Oficiala nomo: Horní Houžovec
Lando	Ĉeĥio
Regiono	Regiono Pardubice
Distrikto	Distrikto Ústí nad Orlicí
Municipo	Ústí nad Orlicí
Historia regiono	Bohemio
Montaro	Svitava montetaro
Situo	Horní Houžovec
- koordinatoj	49° 57′ 31″ N 16° 28′ 29″ O (mapo)
Loĝantaro	48 (2021)
Horzono	MET (UTC+1)
- somera tempo	MET (UTC+2)
Poŝtkodo
Situo de Horní Houžovec enkadre de Ĉeĥio Situo de Horní Houžovec enkadre de Ĉeĥio
Vikimedia Komunejo: Horní Houžovec
Portalo pri Ĉeĥio

Horní Houžovec (germane Hertersdorf) estas malgranda vilaĝo en Ĉeĥio situanta oriente de la urbo Ústí nad Orlicí. Ĝi troviĝas ĉe negrava sakstrato inter Knapovec kaj Horní Houžovec kaj nun estas parto de Ústí nad Orlicí. Unue ĝi estas menciata en skriba dokumento el la jaro 1292 sub ĝia tiama nomo villa Herterici. Ĝi estis servutula vilaĝo de la sinjorejo Lanŝperk, pli poste de la sinjorejo Lanškroun. En la jaro 2009 ĉi tie estis tenata en registro 32 adresoj. En la jaro 2021 ĉi tie vivis 48 loĝantoj. Horní Houžovec estas ankaŭ nomo de katastra distrikto kun areo 4,06 km².

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	313
1880	312
1890	328
1900	305
1910	313
1921	310

Jaro	Loĝantoj
1930	294
1950	124
1961	98
1970	81
1980	63
1991	49

Jaro	Loĝantoj
2001	68
2011	59
2021	48

Memorindaĵoj

Preĝejo al Vizito de Sankta Maria estas malgranda ligna konstruaĵo sur vilaĝplaco en Horní Houžovec. Estas valora ekzemplo de la popola arkitekturo en la regiono Ústí nad Orlicí. Temas pri malgranda okangula ĉarpentita konstruaĵo sur ŝtona bazamento. Eksteraj vandoj estas tegitaj per lignotabuloj, internaj vandoj stukitaj. Plafono estas ebena. Okangula tendotegmento superas per lanterno kaj bulba kupolo. Ĉe flanko de la preĝejeto situas ankaŭ ĉarpentita sakristio. Super ĝia gablotegmento estas sonorilejo kun tendotegmento. La tegmentoj estas ŝindaj. Interna instalaĵo estas nevalora. Sur kornico de la sakristio estas jarnumero 1871. Temas pri filia preĝejo apartenanta al paroĥejo Knapovec. Diservoj nuntempe en la preĝejeto ne okazas.

Pluaj fotoj

• 
  Horní Houžovec - kruco ĉe kapelo
• 
  Horní Houžovec - n-ro 38
• 
  Statuo de La plej sankta Triunuo, survoje al Knapovec
• 
  Horní Houžovec - haltejo