Huntly (Skotlando)

El Vikipedio, la libera enciklopedio
Salti al navigilo Salti al serĉilo
La kastelo de Huntly

Huntly estas malgranda urbo en Aberdeenshire, Skotlando. Antaŭe ĝi nomiĝis Milton of Strathbogie. En 2004 ĝi havis ĉirkaŭ 4,460 loĝantojn. En la urbo situas graskuk-fabrikejo.

Huntly famas ĉefe pro sia ruinita kastelo, posedata de anoj de la klano Gordon ekde la 14-a jarcento. La unua kastelo detruiĝis pro incendio dum militado inter klanoj en 1452. Baldaŭ dua, pli granda kastelo konstruiĝis. Tie en 1496, antaŭ la skota reĝo Jakobo la 4-a, Perkin Warbeck, pretendanto al la angla trono, edziĝis al Catherine Gordon. Dum la sekvaj du jarcentoj la kastelo pligrandiĝis per aldonaj aloj. La Gordon-klano perdis la kastelon rezulte de la angla enlanda milito.

La skota verkisto George MacDonald (1824-1905) naskiĝis en Huntly.

Laŭ la urbo nomiĝas Huntly en Novzelando.