Ilan Ramon
Ilan RAMON (naskiĝis la 20-an de junio 1954; mortis la 1-an de februaro 2003) estis israela astronaŭto, kiu partoprenis la tragikan flugon de la usona kosmopramo Columbia la 16-an de januaro 2003. Re-enirante la atmosferon Columbia kraŝis kaj forbrulis kun ĉiuj 7 astronaŭtoj.
Ramon kunprenis al la kosmo, kiel simbolon de la Holokaŭsto, desegnon de 16-jara knabo Petr Ginz, "Vidaĵo de la Luno", desegnitan en la koncentrejo Terezín en Ĉeĥio dum la 2-a mondmilito. Petr, mem esperantisto, filo de la eminenta jud-ĉeĥa esperantisto Ota Ginz estis murdita far la nazioj en la koncentrejo Auschwitz.
Nur post la morto de Ilan Ramon publike konatiĝis, ke li estis unu el la ok pilotoj, kiuj en junio 1981 flugis la israelan aeratakon kontraŭ la iraka atomreaktoro Osirak. Ramon estis la plej juna el la ok pilotoj.
Eksteraj ligiloj
greke Oficiala biografio greke Memoraĵo pri Ilan Ramon, STS-107 greke Florida today - Columbia lost greke Kolekto de artikoloj pri Ilan Ramon
- Official biography at NASA
- Photo of Ilan Ramon with Chabad Rabbi Zvi Konikov
- Ilan Ramon STS-107 Crew Memorial
- A collection of articles about Ilan Ramon
- Ilan Ramon Memorial pages in the Israel Science and Technology Directory
- Spacefacts biography of Ilan Ramon
- Excerpts from Ilan Ramon's diary
- Ŝablono:Find a Grave
- Ilan Ramon – Obituary and public tribute
