Integra teorio

Integra teorio aŭ integra filozofio estas mondkoncepto, kiu celas evoluigi ampleksan, ekvilibran kaj holisman rigardon al la homo kaj la mondo. Tiucele ĝi klopodas integri antikvajn, modernajn kaj postmodernajn mondrigardojn, okcidentan kaj orientan filozofion, spiritecon kaj sciencan pensadon.

Pioniroj de integra teorio estis i.a. Sri Aŭrobindo kaj Jean Gebser. Ĝia ĉefa reprezentanto fariĝis Ken Wilber.

Elementoj

La integra teorio de Ken Wilber rekonas 5 elementojn:

• kvadrantoj
• niveloj
• linioj
• statoj
• tipoj

Kvadrantoj

Integra teorio rekonas 4 ĉefajn dimensiojn, aŭ perspektivojn. Ilia grafika reprezentaĵo estas spaco dividita al 4 partoj per kruco. Ili estas:

• supra maldekstra (angle: Upper Left, mallongigo UL)
  • individua, subjektiva ("mio")
• supra dekstra (angle: Upper Right, mallongigo UR)
  • individua, objektiva ("ĝio")
• suba maldekstra (angle: Lower Left, mallongigo LL)
  • kolektiva, subjektiva ("nio")
• suba dekstra (angle: Lower Right, mallongigo LR)
  • kolektiva, objektiva ("ĝiaro")

Niveloj

Laŭ integra teorio, la homa konscio evoluas laŭ ŝtupoj:

1. egocentrismo
2. etnocentrismo
3. mondcentrismo

Super tiuj tri niveloj troviĝas la integra nivelo. Homo, kiu atingis ĝin, trovas ankaŭ en la malpli altaj niveloj ion pozitivan kaj rigardas ĉiujn erojn de la materia kaj spirita mondo kiel interplektitan reton.

La holarkion egocentrismo - etnocentrismo - mondcentrismo - integra mondrigardo prezentas pli detale - kaj kun pli multaj ŝtupoj - la spirala dinamiko.

Integra movado

Ĉirkaŭ integra teorio formiĝis iom nebule formulita socia movado.

La integra movado celas, ke homoj atingu - i.a. pere de meditado - pli profundan konscion kaj pli altan nivelon de evoluo. Tiamaniere ĝi volas malfermi novajn resursojn por solvi tutmondajn problemojn.

Vidu ankaŭ

• Ken Wilber
• Integrismo
• Sex, Ecology, Spiritually
• Disvolviĝa psikologio

Eksteraj ligiloj

• Integra Instituto angle
• Integra vivo - altnivela persona evoluo per Integra teorio angle
• Integra Eŭropo Arkivigite je 2019-06-06 per la retarkivo Wayback Machine - superrigardo de integra komunumo en Eŭropo angle
• Asocio "Integra Forumo" germane

Bibliografio

• H. Lasarcyk: Salto de la konscio. Kiel integrale orientigita rigardo al la mondo ŝanĝas nian vivon. Enkonduko. tradukis Klaus Friese (www.verkoj.com)